ياناس انتم مسكتوا عليه انه كتب تاريخ على فكره ترى ما جاب الا سؤال واحد بس
بعدين هالمتمردين بصراحه مالهم داعي الاسئله ماهي ذيك الصعوبه اللي تخيلهم يسون هالحركات
احس ان الواحد منك يبي يتسدح وتجيه الاسئله والاجوبه وهو في بيته ولا بعد يجاوب الدكتور عنه
خير وش تحسون فيه الحين هاللي كم سؤال صارت الاسئله صعبه وتمرد وحركات اجل نشوف مبادئ الاداره وش يسووون
ولا التحرير وروني عضلاتكم احمدوا ربكم
الاسئله سهله للمذاكر صح ومخلي عنا الفرفره في الشوارع والمولات
من جد وجد ومن زرع حصد
ما اقول اني دافوره صحيح عندي اغلاط لاكن اغلبها شكوك واستعجال حتى التاريخ اللي ما ذاكرته عرفته بالعقل
حركه صهيونيه قديمه لاكن لاكن ليست في الف وتسع ميه عرفت انها في الف وثمان ميه
في اشياء بالعقل قبل الدراسه تفهمها ما يحتاج تقول صعب وسهل
فيه حاجه اختلفت فيها وانا واهل بيتي اهو سؤال الدليل ومن يشاقق الله .... الخ
انا كتبت مصدر القران مع ان في الملزمه مكتوب الاجماع ما ادري اهو غلط من الدكتور وكتبه في المحتوى او كيف
لانها ايه في القران وليست حكم اجمعوا عليه العلماء
ولا وش رايكم
عموما انسوا الماده خلاص وشدوا حيلكم في النحو الله يعين الجميع
لا احد يزعل من كلامي بس يا شباب وشابات اتعبوا شوي ذاكروا بتركيز
انا مذاكره قراه بس تركيز ما حفظت شي حتى الادله ما حفظت منها شي
ولا اقول الا الحمد لله وياليت كل الامتحانات مثل العقيده
بالتوفيق للجميع