السلام عليكم
وعليكم السلام والرحمة
شخباركم شباب وبنات ان شاء الله تكونون بخير..
بخير الله يسلمج
فريت من الصفحه 1 الى 5 ماحصلت اجوبه للأسألتي فأرجوا منكم الي عنده جواب يفيدني
لدي بعض الاستفسارات حول الجامعه بخصوص نظام الأنتساب واتمني من كل قلبي ان اجد الأجوبه التي كنت أبحث عنها طوال الفتره وسوف اعرض الاسئله دون اطاله...ولكم مني جزيل الشكر
1-ماهي الشروط لقبول طالب بنظام الأنتساب او الأوراق المطلبوه لدي الجامعه لغير السعوديين ؟ ومكان التسجيل وين يكون ؟
الشروط ثانويه عامه او ما يعادلها ، التسجيل الكتروني عن طريق موقع الجامعه والتسجيل حق الكورس الجاي امس اخر يوم كان له الاوراق المطلوبه بعد القبول شهادة الثانويه العامه ، اوراق القبول مطبوعه من الموقع ، تسديد الرسوم عن طريق الصراف الالي وارسال الاوراق الى البريد الممتاز في الوقت المحدد لج
2- ماهي التخصصات المتوافره في نظام الانتساب ؟
كلية الاداب :
لغه عربيه ، لغه انجليزيه ، علم اجتماع، دراسات اسلاميه ، تاريخ ، جغرافيا
كليه الاداره :
دبلوم اداره اعمال ، بكالريوس اداره اعمال
3- هل هنالك معادله مواد لدي الجامعة بما أني احمل دبلوم من التطبيقي ؟
ما اعتقد في مواد مشتركه غير مادة الحاسب لان اختي في التطبيقي وقارنت بين موادنا وموادها
اذا صادف مواد مشتركه من اللي درستيه واللي بتدرسينه في معادله لاتحاتين
4-ماهي الرسوم المطلوبه لتسجيل المواد والقبول...إلخ
الرسوم على حسب المواد المسجله لكل ساعه 165 ريال ،، يعني عندي 7 مواد وكل ماده فيها ساعتين بيكون عدد ساعاتي 7 × 2 = 14
الرسوم = عدد الساعات × 165 =
14 × 165 = 2310 ريال وتفرق من سمستر لاخر على حسب عدد المواد المسجله وساعاتها
5- هل لازم اروح مقر الجامعه الرئيسي لتسجيل او في مكان بديل بالكويت ؟
لاماتروحين للمقر الرئيسي الاوراق حقت التسجيل تنرسل في البريد الممتاز اقرب لج الخفجي في نفس اليوم ترسلينهم وترجعين والا الرقعي في عندهم بريد ممتاز
6- هل التعليم العالي معترف بهذا النظام و بهذه الجامعه ؟
التعليم العالي الكويتي الى الان ما شفنا موضوعه وان شاء الله معترف فيها بالكويت لان الشهاده معترف فيها من التعليم العالي السعودي
7- اذا تم قبولي بالجامعه هل استطيع ان أختبر في الكويت وأؤدي اموري كلها بالكويت ؟
نعم تختبرين في الكويت المقر تو جديد له سنه والاختبارات في جامعه الكويت
8- هل انتم مسجلين بجامعة الملك فيصل بنظام الانتساب ولكن تؤدون الاختبارات في مقر الكويت ؟
نعم
ولكم جزيل الشكر...الرجاء مساعدتي في هذا الموضوع
العفو واجبنا
حياج
