ملتقى طلاب وطالبات جامعة الملك فيصل,جامعة الدمام - عرض مشاركة واحدة - النسخه الثانيه من موضوع °o.O (اليوم الثالث.. واستراتيجيات التدريس) O.o°

Ầ.Ł.₥.ầ.$.ặ · 2011- 12- 18

من المحاضره الاولى ..~

اقتباس:

المشاركة الأصلية كتبت بواسطة نجۅۅ♥ۅۅاڼـ,

بما انه المادة تعتمد عالفهم

فأنا مسكت الفروق بين المدخل والطرق والاستراتيجيه والاسلوب وشرحتها بامثله من عندي (مو موجودة بالملخص) وفهمت الفرق بطريقه سهله

وحبيت افيدكم فيها:

عندنا اول مصطلح الي هو المدخل
اول خطوة في كتابه المنهج يعني نقدر نقوله عنه فلسفه المنهج

اشياء معينه وعاااامه بس مرتبطة بالمنهج

يعني مثلا عندنا مدخل الكيمياء تهتم بتركيب المواد ( يعني تكون فكرة جدا عاااااااااااامه بس لها دخل بالمادة)

عندنا الاسترايتيجيات
تجي بمعنى التكتيك والخطة

وعندنا مثلا:

انا عندي خطة وهي اني اسرق البنك( سرقه البنك تعتبر هدف لي)

فايش الخطة او الاسترايتيجه اللي حسويها؟

1- اتفق مع عدد من اعضاء المنتدى
2- اقسم ناس منهم عشان يراقبوا البنك من برا
3- اقسم ناس يدخلوا البنك ويشوفوا الوضع كيف
4- اخلي ناس تراقب حق الامن
5- اخلي ناس تشتت موظفين البنك

وزي كدا

هادي خطتي واستراتيجيتي لسرقه البنك واللي هو هدفي

بس طبعا انا مو اليوم افكر اني اسرق البنك واخطط اليوم وانفذ اليوم واخلي كل شي اليوم لااااااااا

يكون هدفي بعيد المدى
لانه يبغاله وقت
لازم نراقب البنك كم يوم ونشوف الوضع العام للمنطقة اللي حولين البنك وزي كدا

يعني خطتي اللي حطيتها عشان اوصل لهدف بعييييييييييد

من شروط خطتي او استراتيجيتي لسرقه البنك انها تكون شامله
يعني مااترك اي منفذ وما اكون عامله حسابه

قدر الامكان ارتب الخطة بشكل كامل

تاني شرط عندنا المرونه
يعني اي عارض يصير وقت تنفيذ الخطة يكون عندي ردة فعل سريعه واعيد تشكيل الخطة بسرعه عشان تتناسب مع الموقف الجديد اللي حصل

عندنا ثالث هدف اللي هو الارتباط بالاهداف وهادي زي ماقلناها انه خطتنا لهدف بعيييييد المدى ويبغاله وقت او فترة زمنيه

عندنا الشرط الرابع مراعاه الفروق الفرديه
يعني انا اراعي وقت مااحط الخطة واوزع المهمات على الاعضاء كل واحد حسب مايناسبه من قدرات

عندي مثلا عضو سريع فهدا اخليه وقت الشردة

عندي عضوة مثلا تعرف تفتح الابواب بطريقه سلسله وذكيه

فاخلي خطتي على مايتناسب من القدرات المختلفه ولازم اراعي دي النقطه اذا ابغى اوصل لهدفي

اخر شرط اللي هو مراعاه الامكانات المتاحه
يعني مااجي احط الخطة وانادي على الاعضاء واقولهم الهدف وفي الاخير ماعندنا وماتتوفر سيارة تنقلنا لموقع البنك

لا لازم اراعي اول شي انه موجودة كل الامكانيات اللي حتساعدني احقق الهدف

كدا خلصنا من الاستراتيجه

نجي للطريقه والاسلوب

الطريقه والاسلوب قريبين من بعض بس الفرق بينهم حديكم هو بمثال علمي تدريسي بحت

مثلا عندي طريقه لتدريس مادة التاريخ وهي اني ابغى ادخل الفصل واخلي طريقتي اليوم عباره عن نقاش وحوار حولين الدريس

وعندي زميله لي حتستخدم اليوم نفس الطريقه حقتي بالزبط

نجي دحين للاسلوب واللي حيبين الاختلاف

انا حيكون اسلوبي في طريقه المناقشه والحوار وهي اني اخلي الطلاب يناقشوا موضوع المادة مع بعض ويتحاورا مابينهم
وانا اقيّمهم بس

وزميلتي حتستخدم نفس الطريقه بس حيكون اسلوبها انه تكتب عناوين الموضوعات في اوراق وتعلقها عالسبورة
تجي كل طالبه تختار ورقه وتبدأ تناقش المعلمه فيها ويصير بينهم حوار

وعلى كدا

اتمنى اني وفقت في الشرح ووصلتلكم شي تستفيدوا منه

ملاحظه: السرقه غير مفيدة للصحه وتؤثر على الاخلاق

وكان مجرد مثال للترفيه