جا يبيني بعد ما طوّل جفا
جا يبيني بعد ما انّي قد سليت !
دوّر الباقي على ذكر الوفا!
وانجمر داخل خفوقي (وش بغيت)!
باعني هيّن مضارع وانتفى !
يوم وّدع ماذكرني يوم جيت!
جا يبي يرجع على ماض الصفا!
جا يبيني يوم تجريحه هويت!
جا ولكن رجل تحصيلي حفا !
حرّقتها لاهبات اللي عطيت!
جا يدورني وأنا قلبي شفا/
من طعونه لا وربي ماشفيت!
قال لي حظه معَ غيري لفا !
جا يكحلني الين انّي انعميت!
يوم قفّيت المنابض ما غفا /
دق حبٍّ مارصفته بألف بيت!
باعني مرخص ثنيّات الدفا /
وانثنى مع غلطتي يوم انثنيت!
جيت له حسّ المشاعر ما كفا/
شعري ولا حرفي الى مني ضويت
يوم قفّيت المشاعر جا وفا !!
للوعود اللي تناسى مانسيت!
جا يبي وصلي على دق الخفا !
خايف العذال يدروني جفيت !