بحاول اشرح لك من واقع فهمي .. وان شاء الله اوصل المعلومه صح
يستخدم الماضي التام للاشارة لحديثين بالماضي احدهم سبق الثاني ... مثلا :- لو نفرض انه عندك بيت وعشتي فيه عشر سنوات وبعتيه العام الماضي فراح تقولين بالعربي ( بعت بيتي السنه اللي راحت بعد ما عشت فيه عشر سنوات ) يعني انت تتكلمين عن حدثين الاول انك عشتي في بيتك عشر سنوات والثاني انك بعتيه بعد كذا ..
كيف تقولين المثل بالانجليزي :
I had lived in my house for ten years before I sold it last year.
مثال ثاني :
I had never thought about getting married before I met my wife two years ago.
يعني عمري مافكرت بالزاوج قبل اقابل زوجتي من سنتين.
والافعال التامه (بماضيها وحاضرها) عادة تتكلم عن حقبة زمنيه مو بس عن حدث تم مره واحدة وبس .. عشان كذا ما تستخدمين مع الافعال التامه وقت محدد زي العام الماضي او في تاريخ معين.