|
غادة ونوره الله يجزاكم الف خير ويوفقكم دنيا واخره
صباح / مساء الخير
اولا اتمنى من الله ان يوفقكم جميعا في الاختبارات والله يسرها علينا
ثانيا حبيت اشكر غاده ونوره على فزعتهم ووقفتهم معنا الله يجزاهم خير ويوفقهم
امس في اختبار العقيده وكان اول اختبار لي ومتحمسه طالعه من البيت الساعه 4 علشان مااضيع المقر واوصل بدري وكنت ماخذه الكروكي من الملتقى المهم يوم وصلت جلست ادور واتمشى وبعدين رحت اسال عن اسمي مالقيته موجود عندهم انهبلت وصار وجهي كذا  وبعد نص ساعه من الشيل والحط ورده وهاته مع المديره صار اسمي بالمركز 23  وادق على السواق وصار بعيد ومابقى على الاختبار الا نص ساعه وحسيت اعصابي منهاره  والقى بنات مثل حالتي وكلمت صديقتي وقالت ان اسمائنا في المركز 23 ووالله ماقصروا غادة ونوره نادوا السواق وركبت معهم انا وبنتين معي ورحنا على طول للمركز 23 والحمد لله وصلنا في الوقت المناسب والله يجزاها خير ويفرج همها مديرة مركز 23 فزعت لنا وعطتنا وصف مختصر وجلست تنتظرنا عند البوابه ماقصرت
هذي قصتي توته توته خلصت الحتوته
بس حبيت اشكر نوره وغادة على فزعتهم ياحبيلهم ماقصروا الله يوفقهم في اختباراتهم وفي حياتهم
|