المشاركة الأصلية كتبت بواسطة أنيس النفوس

أمس الساعة 6:55 مساء ,,, كنت قاعد أفسر أحلام ... يا غافلين لكم الله مثل ما يقولون فجأة لقيت واحد يطق باب القسم ... طلعت شفت عسكري واقف على الباب :


حضرت السجن لقيت جلسة المحكمة منعقدة و إذا رئيس المحكمة (( سدومة )) و أزرق أمريكا وكيل النيابة .. و مجموعة من الاعضاء جايين شهود ... حاولت أستدعي محامي قالوا ما في محامي لازم انت تدبر عمرك ، قلت أمري لله .

بدئت المحكمة :
قام وكيل النيابة أزرق في أمريكا بعرض الأدلة الجنائية على مقام المحكمة و احضر الشهود و بعدها طالب المتهم بقول أجمل بيت شعري سمعه أ و قرئه لئلا يعرض نفسه للعقوبات التي تنص عليها قوانين هذه المشاركة ...



هذه الأبيات الشعرية :

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي



اشكرك سدومة على هذا الموضوع الرررائع و أشكر أزرق اللي وهقنـي و خلاني أصير خريج سجون

و أختار ............ امممممممممممممم ... يا ربي مين .. . مين و الله ما يهونون علي اسجنهم بس شسوي حكم القوي ... طبعاً يعذرني من أختاره ... لأني مضطر

أنا أختار ......... .بنت أبوهــا ...................

و سامحوني على المداخلة الطويله ... لاني بيني و بينكم أموت في أم الهذرة ههههههههه .. بس هاا تكفون لا تعلمون المنتديات الثانية :)