الانسان مايموت الا وماخذ رزقه كامل
استغرب من ناس مرتاحين ومقتدرين ومع ذلك مسجلين بحافز ولاعندي اي فكره
ولو كانت انتظام وتستلم 1000 او 850 فالحمدلله خير وبركه لاحد يقول ماتسوي شي
انا كنت انتظام وكانت تمشي لي وكنت افرح فيها فرحه مو طبيعه اقلها نسيت اطلب اهلي
صحيح ربي يخليهم لنا وتاج روسنا
لكن والله اللي يقول البنت طول عمرها ينصرف عليها مايحس بشعور ان عمرها 22 او 29 ومع ذلك تطلب
والله صعب ومؤلم
لان لو كانت وش ثروه اهلها تبي تفرح امها بخاتم او بعطر تبي تشتري لابوها شي لبيتها تبي تقدم شي
لاحد يقول عادي انا الحين انتساب والله وجهي يتقطع كل ماقلت يمه ابي 12 او 5 اصور ملازم
والله اموت قبلها مليون مرررره
فبليزز لاحد يقول عادي وهو ماجرب هذا الشعور فما بالكم اللي عايشه معه 8 سنوات وهي عمرها 25 سنه
خلوها على ربكم
ترجينا خير بالله قبل حافز
لان الله حكيم ورزاق وكريم وسع رزقه السماء والارض
ربي يعطي كل من تمنى
ونصيحه اعطيها للكل لاحد يستهين بلي ربي يرزقه واقنعوو لاحد يقول انا خريجه بكالوريس وانا وانا وانا
احمدي ربك واقنعي بلي عندك وربي بيبارك فيه
يمكن بكره راتبك 11 الف وربي مايحط فيه بركه
ويمكن راتبك 3 الاف ومع ذلك كل شي متوفر ومرتاحه
القناعه يابنات شي رهيب ومنها انتو بترتاحون لانكم بتكونون راضين عن ربي
واذا رضيتو زانت اموركم
يابنات ربي قال
وما من دابة في الأرض إلا على الله رزقها
اذا هاذي دابه وفي الارض وربي رزقها
فما بالكم فيكم تعبتو وذاكرتو واجتهدتو وتخرجتو وسعيتو
ربي مايضيعها احسنو الظن وبتزين اموركم
ربي كريم ربي كريم
وفي نفس الوقت ربي سبحانه يقول بالحديث
(( إن من عبادي من لا يصلحه إلا الغنى ولو أفقرته لافسدت عليه دينه، وإن من عبادي من لا يصلحه إلا الفقر، ولو أغنيته لأفسدت عليه دينه ))
يعني في الحالتين ربي يدري ليه ماعطاك شي الحين
يارب يعيني ويعنيكم ويرزقنا من حيث لانعلم
لاتنشغلون بتفكير ارزاقكم انشغلو برضا من يرزقكم فوق سبع سموات لان ماحد ياخذ الا نصيبه