السلام عليكم

غيرت ورقة الإجابات 3 مرات بسبب الطاولات

هذا ماحصل معي في مركز اختبارت الجبيل 1 الله لايعيده من مركز

بعد ماعبئت البيانات في الصفحه الأولى المخصصه لمعلومات الطالب وقلبت الورقه عشان أحل الأسئله

تفاجأت بإن ظهر الورقه مليان حبر من آثار شخاميط طلبة المتوسط هداهم الله

طلبت المراقب وقلتله وش رايك بيقبلونها ولا لازم نغيرها ؟ قال لازم تغيرها . راح وجاب لي ورقه اجابات ثانيه جزاه الله خير

قمت من مكاني وغيرت الطاوله القذره أعزكم الله بطاوله اقذر منها لكن تأكدت بعد مسحها انها ماراح تطبع شيئ على ورقتي

رجعت الوّن الورقه من جديد وانا مستعجل على حل الأسئله وبعد ماانتهيت من الحل

وقلبت الورقه كان فيه آثار صمغ سببت تشقق في الورقه على الرقم الجامعي

كلمت المراقب ولما شاف الورقه قال لازم تغيرها وتعبي ورقه جديده

في هذه الأثناء دق الجرس معلناّ انتهاء نصف الوقت

واخوكم يعبي ورقة امتحان جديده

جزاه الله خير المراقب أعطاني ورقتي القديمه عشان أنقل الإجابات منها بدل ماأحل من جديد

الكراسي مكسره والطاولات كلها عرجاء ( تتمايل وأنت تلوّن عليها) وشخاميط والوان كأنها كراسه رسم

واحد كاتب

b+R=

والثاني كاتب بالخط العريض على الطاوله (الحب عذاب )

اي حب الله يصلحك وباقي عندك تطعيمات ماكملتها

الله يذكر مدارس الحصان في الترم الأول وكلية الجبيل الجامعيه في الترم الثاني بالخير

بصراحه وضع التعليم عندنا متدهور وهذي تجهيزاته ومبانيه وطاولاته

عجزانين يغيرون الطاولات القديمه بجديده ؟

أو يصدرون نظام صارم على كل من يعبث بالوسائل التعليميه

هذا ماحبيت اشاركه معاكم

والله يحفظكم ويرعاكم >>> على الوزن