المشاركة الأصلية كتبت بواسطة سعداوي باشا

المسأله بسيطه جدا ركزي بس معي
اول شي ناخذ الايراد او الاعمده الي فيها ايراد عندنا عمودين الايراد الكلي و الايراد الحدي
تذكري وش قوانينهم
ايوه صح الايراد الكلي نطلعه من الكميه الي عندنا مضروبه بالسعر
الايراد الكلي = الكميه * السعر
من الجدول
= 120 * 680 = بالاله الحاسبة 81600
حلو نكتبه في الفراغ حق الايراد الكلي نلاحظ بالحلول ان الاجوبه كلها نفس الرقم يعني ابو الشباب يبي يعقدنا طيب نكمل معك يا ايراد
وش باقي الايراد الحدي نعرف ان الايراد الحدي يساوي التغير في الايراد الكلي مقسوم على التغير بالكميه
الايراد الحدي = التغير بالايراد الكلي / التغير بالكميه
بالاله الحاسبة
= التغير بالايراد الكلي ( 81600 طلعناها قبل شوي - الايراد الكلي الي قبله في الجدول الي هو 79200 ) / ( 120 الكمية الي بنفس الصف - 110 الكميه الي قبلها )
= 2400 / 10 = 240 وهذا هو الايراد الحدي يا باشا
طيب نرجع للحلول حقت الدكتور وين 240 فيهم
اها الرجال يبي يعقدنا طلعت ثلاث حلول كلها 240 الي هي ا و ب و د
طيب نكمل نرجع للجدول اها لقينا الربح الكلي يا سلام
وحنا نعرف الربح الكلي يساوي الايراد الكلي ناقص التكلفه الكليه وكلها معلومه بالجدول خلاص نطلع كم الناتج
الربح الكلي = الايراد الكلي - التكلفه الكليه = 81600 - 72800 نفس الصف كلهن = 8800 يا سلام نرجع للاجوبه لكن للاسف كلهن زي بعض في ا و ب و د ليتنا ما حليناها طيب باقي اخر مجهول هو الي بيطلع الناتج الي هو التكلفه الحديه
وحنا نعرف التكلفه الحديه تساوي التغير في التكلفه الكليه مقسومه على التغير بالكميه
التكلفه الحديه = التغير في التكلفه الكليه / التغير بالكميه
نطلعها بسرعه بالاله الحاسبه
= 4000 / 10 = 400
ونرجع لاجوبه الدكتور الي اخترنا منها ا و ب و د فقط نلقى 400 موجوده في د فقط
اذن د هي الاجابه الصحيحه
المساله تحتاج تركيز وحفظ المعادلات وفهمها بنفس الوقت
اتمنى الشرح سهل