انا مؤيد بقوه للفكره
او مثلا المدن الكبيرة الرياض جدة مكة الدمام يكون فيها خيار اضافي شرق غرب شمال جنوب وسط حتى يسهل عملية وصول الطلاب
انا شخصيا حصل لي موقف قبل امس في اختبار الإحصاء
طلعت من بيتي في غرناطة شرق الرياض حوالي الساعة 3.50 عصرا متوجها لمقر اختبار مدرسة ثمامة في الشفا وبالطريق حصلت زحمات وتريلات الشوارع واقفة والله العظيم وصلت المقر الساعة 6.30 يعني جلست في الطريق فوق الساعتين والنص وانا في حرق اعصاب خايف يفوتني الاختبار وكنت ناوي شر لما اوصل ولا يدخلوني لكن الحمد لله وصلت اخيرا ومحد كلمني قالوا ادخل على طول مع انه راح نص ساعة على الاختبار
بصراحة اكبر ظلم يكون في حيي مقر واروح اختبر في الشفا والمصيبة اذا ما حصلو حل ممكن في ترم من الاترام يختبروني في الدخل المحدود او في لبن او في الدرعية
عشان تكمل وافصل من الجامعة التعبانة هذي
ياليت اي شخص يوصل رسالتنا للمسؤولين في الجامعة بخصوص هذا الموضوع