شكلي بسوي مثل بوعزيزي ..
و اروح قدام الجامعه واشب بعمري ..
قسم بالله يا نظام الجامعه معنا يا طلبة الانتساب انه نظام تطفيش
خذ منهم 2500 وطفشهم خل يجي غيرهم ..
ركزوا معي بالكلام اللي تحت
يعني بذمتكم اللي حاط الجدول حق الاختبار وش يبي بالضبط
يا انه نجس يا انه نذل مافيها خيار ثالث
ما علينا من الاسئله خل نقول حنا ما نفهم وحنا ما نذاكر
ابي افهم مادتين يوم الاحد متى بذاكرهم وانا ما اطلع من اختباري
الا الساعه 8 بالليل ..
لحد يسوي لي دافور ويجي يقول سهل وماسهل ..
ترى اكثر المهايطيه هم اللي يحملون المواد 
بعدين ركزا
ترانا انتساب
يعني ندخل الاختبار مباشره يعني ما درسنا ولا نعرف عن الماده اي شي
ولا توكم باقي السبت مادتين بيوم والاحد مادتين بيوم ومن قبلها الانجليزي
من ناحيتي حملت النحو جعل ابوماصوره مدري مصاوره مانيب قايل
حسبي الله عليه
عموماً ..
انا اختبر واداوم يعني عطوني ارقام الدكاتره حقين
الصحه والا مبادئ الاداره والا التحرير والا المهارات
بكلمهم اشكي لهم معاناتي لعل وعسى يحددون لنا
والا يسهلون الاسئله والا كلموهم انتم
اعذروني اكتب وحروف الكيبورد تطفح من الصياح :cry111:
تدرون اليوم في النحو حليت كم سؤال وبعدها
( اتخذت سياسة حقرا بقرا بحل الاختبار )
ايه قبل انسى انا ضد الغش مهما كان
لكن فكرة البراشيم تراودني وبقوه بأيام المادتين