ياشــوق هذا اللي جنيته من العام
هم ن وتغريبه وجرحن وتجــــريح
وفكرن نحتبه عندكم ســــود الايام
وقلبن تصافق به على بابك الريح
تنـــام عينك واســهر الليل مــانام
مالي رفيقن غير طيفك لي مريح
ياروح روحي ياخفوقي والانسام
بيحت سدي ياهوى البـــال تبييح
كل ماطلبتك حاجتن قلت قـــــدام
ولاشفت لك قادم ولاشفت تفريح
اعــدمتني يابارين حالي اعــــدام
واشقيتني ياسيــــد كل الممــاليح
يانور روحي ياطموحي والاحـلام
ياورد ياريحان ياروضة الشيـــح
قــلي احبك واقتنع مابي هيـــام
واسق الخفوق اللي سقته التباريح
والا ابتعد مليت من عشق الاوهام
ووراق حبك تيبس ايام وتطيـــح
محبتك كانت طريقي للاعـــدام
وبيبان مقفولـــــه بليــا مفاتيح
محبتك كانت مثل حقل الالغام
عــــديتها لكن خسرت المصاليح