|
بخصوص الدوره التدريبيه ...!!!
السلام عليكم
بخصوص الارقام السريه فهي وصلتنا متأخر والبعض ماوصلته الارقام
والبعض خايف ومتوتر
اول شي احنا مو عارفين كيف ندخل الارقام السريه
المفروض من المسؤولين في الجامعه يوضحون لنا لان اول سنه ماندري وين اللي حاطنا
يعني لو يتكرم واحد منهم ويعلمنا والا يقول لنا اول يوم بالدوره راح تفتح معاكم الصفحه لاني شفت تعليق من وحده من الاعضاء تقول مقفله الصفحه طيب يتكرم الاستاذ سعد العمري وينورنا
اذا بنجلس كذا علي عمانا نشوف تعليقات الاعضاء وكل واحد يجيب من راسه مافلحنا
نبغى كلام مؤكد من مسؤول في الجامعه
الشي الثاني انا عرفت ان الدوره مدتها اربع ايام واشوف انهم يفهمونا بيوم واحد بس وانتهينا لانها مو قضيه التعليم عن بعد شي بسيط مايحتاج له دوره واربع ايام وياخذون علينا 500 ريال ع الفاضي
اتمنى من الكل المشاركه عشان نفهم وش احنا فيه هل الدوره هذي فيها تسجيل دخول ودرجات واللي مايدخل في خصم درجات لان اللي فهمنا انه لازم تحضر الدووره
وبالتوفيق للجميع
|