المشاركة الأصلية كتبت بواسطة عزيّـز

انا احس اني احسن واحد فيكم :)

ذاكرت الباب الأول

ثم ذاكرت الباب الثاني


وقلت اريح وخذت لي كوبين نسكافي وطلعت اتهاوش مع جارنا ابو سليمان الي باخر الشارع .. هالمرة عيالة شلحو علبة عداد الكهرب حت البيت

رجعت وشربت نسكافي ثالث لأن راسي صدع من ابو سليمان
ومر علي ولد عمي قال نبي نطلع نسلم على واحد من العيال توه شاري ونيت غمارتين جديد ونبي نبارك له

تكينا في استراحة خوينا وطقيناها بلوت .. وثاني يوم رجعت اتابع المحاضرة الثالثة لقيته مدري وش تبي

صارت ظروف مطينه عقبها وما كملت وطلعت قضيت مشاوير الخاصة بالظروف المطينة ( حادث سيارة طبعا ) المهم الساعة 3 وانا رايح السويدي مدري العريجا عشان الاختبار هناك وساعتين الا ربع بالطريق وتكيت عند باب المدرسة
نزلت الفرشة وزمزمية الشاهي والآي باد والأي فون والشباب معي كل واحد بجهازه
فتحت البلاك بورد .. فتحت المخاضرات ابي اذاكر .. بغيت افهم شي .. بغيت استوعب ! لا فائدة

قمت فتحت محاضرة 14 لقيتها حليلة وخلصتها
نزلت على 13 ما عجبتني وقفلتها
تركت كل المحاضرات وركزت على النضري من محاضرة 14 وانقز على محاضرى 8 الى محاضرة خمسة

قفلت الأي باد والأي فون وقعدنا نتقهوى ونسولف لين جا الامتحان

الزبدة <<=== مصخها برحلته الي كنها رحلة الى بلاد المشرق

طلعنا من الامتحان نص مستانسين ولو ذاكرنا من بدري يمكن كان افضل
بس مادة الاقتصاد الي يقهر فيها الشرح غير مفهوم في المحاضرات المسجلة لأني تابعت قبل شهر وما عجبني اي شي ولا فهمت

ونقول ان شالله ربي يعمي بصيرة الدكتور وينجحني بدون ما يحس مصيبه هالمادة ومملة
لو انها لغة برمجية كان اهون من هالقلق

عاد جارنا ابو سليمان يحب الاقتصاد ودايم عياله يشلحون اللمبات الي اركبها وكرهوني في المادة

الله يستر
والله يجيب العواقب سليمة