رد: استفسسار عن التعليم عن بعد ضروري
سلمي عليها وقولي ابدن تقدر تسجل بجامعة الملك فيصل بالتعليم عن بعد
وترا وقصمن تب توسع صدرها زود وتب تمشي امورها زود عن هالي فيه
محآكيك جربت اصير دافور قبل كم سنه وسجلت بالملك سعود انتظار وماكملت سنه الا متقرشع بأحلى
ثلاث انذارات وعقب سحبت ملفي من عندهم وعقبها قررت اصير فلسطيني واخذه الشهادة الكبيره ( شغل عجايز )
وقدمت على الملك فيصل انتساب عن بعد والحمد لله فرق شاسع لامذاكره ولاهم يحزنون وقبل الاختبار بيومين
اخذ لي مذكرة اوم 50 صفحه واقراها مثل جريدة الجزيرة ويجي الاختبار كلها اختيارات والحمد لله تساهيل
التخصصات فيه ادارة اعمال وفيه اداب وانصحتس بادارة اعمال لإن مجاله اوسع واحسه سهل بالنسبة للدوافير الي مثلي وشرواي
الا بسألتس للحين عندكم سوق الخميس هههههه والا شالوهـ
|