الحياة صعبة ، والوصول للمبتغى أصعب ، واللي يحمل في داخله عزيمة وإصرار لازم يكافح ويناظل ..
ندري عند كل واحد منا ظروف وما نلوووم أحد ..
بس باقول لكم عن شي من حياتي ..
أنا موظف أشتغل نظام شفتات ، وشغلنا ما فيه جاااامد ،، وعندي عائلتي اللي تحتاجني ولها مطالبها ولد وبنتين ربي يخليهم لي ويحتاجون طلعات وروحات وجيات ..،، وأنا مسئول عن الكثير من المشاريع الاجتماعية في منطقتنا مع مجموعة من الشباب واللجان الإجتماعية ...
وأمي يا ربي يعافيها مريضة بمرض شين ، وتحتاج لمتابعة ومداراة ومواعيد في مستشفى أرامكوا ،، وعندي واحد من أخواني واقع في مشكلة ربي يفرج عنه ودوم اجتماعات وروحات وجيات معاه ....
بس من أرجع البيت أحاول بدل أدخل الفيس بوك أفتح لي صفحة من هالمواد أقرأها ، وبدل أجلس في المزرعة مع الشباب ساعتين أقلل شوي وأستغل هالوقت .. صدقوني نسرق الوقت سرررقة ... وأم العيال بحاجة بعد لي بس الله يجزاها خير مرتبة لي مكتب في البيت صغير وتخليني أجلس وأذاكر ومتابعة معاي أول بأول ..
لازم ننحت على الصخر على شان نوصل .. صحيح نتحبط ونقوووم على رجلينا .. نطيح ونفز .. بس والله أحس بمتعة ما مثلها متعة ..
شددددوا الهممممة <<< واربطوووووا الأجزمة استعداد لعواصف أسئلة الاختبارات الجاية .. وصدقوني بتمر السنين وبتوصلوا لمبتغاكم ...
كلنا هنا أخوووة ولازم نشد بيد بعضنا البعض ..
تحياتي
راعي واجب