ببدا بالموضوع بدون مقدمات

يوم الاربعا 4\10\1430هـ يصادف اليوم الوطني اللي يكون فيه شعبنا الكريم فرحان ويعبر عن فرحته

وهذا الي الكل يعرفه بس الي ماتعرفونه

شلون شعبنا الراقي يعبر عن فرحته!!!!:o3: ((طبعا مو الكل))

انا بنفسي الاربعا كنت بالخبر وشفت العجب العجآآآآآآب:s12:

طبعا اول شي بدا المكان يزدحم بالضبط هالكلام بالواجهه البحريه بالخبر((كورنيش الخبر))

زحمه مو طبيعيه وسيارات ورقص بالشارع واهم شي الي يطقون الرصيف بدال ماينتظرون بالزحمه

وكل واحد يشجع الثاني!!

وشوي الا بدوا بالتعبير بعمق!!

نشوف فجأه زحمه بمكان معين وشارع يتسكر وشرطه بشكل فضيع وصووت الدوريات

والا شصاير!!!

ابد ابد مو شي مهم!!:no2:


بس بعض الشباب تحمسوا مع الفرحه وكسروا المطاعم!

طبعا بدوا بـ هرفي يليه شيليز بس ع خفيف يعني شيليز شباك او شباكين بس

يليه بيتزاهات الي عدمووووووووووووووووووووووووووووه!!

يليه فر يديز الي سلم نوعا ما منهم لان الموظفين كانوا واقفين لهم برا وتصدوا لبعض الهجمات!

فما كسروا منه الا شباك بس!

وبعدين استلموا التنور الصيني وقرروا انهم يتجهون الى ماكدونالدز!!

وهذي الخطه الأكيد انها مدروسه لانهم مجموعه والي معاه مسدس يكسر الزجاج فيه

والي معاه حجر

يحبون ينوعون بالوسائل ((أضمن يعني))!!

وبعدين يوم خلصوا من الاشياء البسيطه استلموا باسكن روبنز ع بريمود ع محل نظارات محل سيارات وووو الخ!

باختصار يمكن 14 محل!!

وطبعا هذا كله عشان يعبرون عن مشاعرهم باليوم الوطني!!!!!!!!!

وشوفوا الخبر من الجريده!!

http://www.alyaum.com/issue/article....13251&I=703981



اترككم مع الصور وفي مقاطع فيديو وصور خذوها الشباب صباح اليوم الي بعده يعني الخميس!!

حاولت احط اوضح الصور!!


بس قيل بحط لكم هذا منقووول من الي صور الصور الي بحطها!!


مطعم ماكدونالدز







ستاربكس, وقد تم سرقة المبالغ الموجودة فيه وبعض المحتويات , اضافة الى الاعتداء على العاملين بالضرب
















الأنارة الجمالية امام مدخل ستاربكس استخدمت في تكسير المحلات





بعض النعل أكرمكم الله التي فر أصحابها المخربين بعد مطاردة قوات مكافحة الشغب لهم وتركوها







طعم فرايديز




مطعم بيتزاهت






مطعم برجر كنغ



مطعم التنور الصيني




اعمدة الأنارة في الواجهة البحرية تم تكسيرها وتخريبها وأسقاطها وأستخدامها في تكسير المحلات