انت تعامل مع كل حد لحاله عشان تاخذ النتيجه
واللي يفصل بين الحدود هو + او -
اما اذا كان بين الارقام × او ÷ فهذا يعني ان كله حد واحد
القسمه والضرب ما تفصل بين الحدود
يعني بالمثال اللي انت جبته
4- (-3)(-1)+5(2)(-4)
نزل كل حد بالاشارة اللي قبله
الحد الاول: 4
والحد الثاني: -(-3)(-1)
والحد الثالث: +5(2)(-4)
طبعا اللي ما بينهم اشارات على طول وبدون تفكير تعرف ان اللي بينهم ضرب
نجي نشوف الحد الاول: 4
ما فيه اي حسابات ولا اي شي نسويه خليه زي ما هو
الحد الثاني: -(-3)(-1)
كلهم مضروبين في بعض
- × -3 × -1
وعشان ما نتخربط ناخذها بالتفصيل بعد
- × -3 = سالب × سالب من قاعدة ضرب الاشارات اذا متشابهة تطلع موجب
- × -3 = +3
اوكي نكمل: +3 اللي طلعت لنا نضربها في -1 اللي بقت عندنا فوق
+3 × -1 = من قاعدة الاشارات بالضرب اذا اختلفت الاشارات تطلع النتيجة سالبة
+3 × -1 = -3
يعني الحد الثاني = -3
نجي للحد الثالث
الحد الثالث: +5(2)(-4)
5 × 2 × -4
طبعا اللي ما قبله اشاره اشارته موجبه، وبنحلها بالتفصيل نفس الشي
5 × 2 = 10
باقي عندنا -4
10 × -4 = -40
إذاً الحد الثالث = -40
نجي للحدود اللي طلعت معانا نحطهم مع بعض عشان نطلع الناتج النهائي
4 -3 -40
وافضّل شخصيا ان الحسابات عموما تسويها بالحاسبة مهما كانت سهلة
تفاديا للخطأ خاصه ان مرات حتى لو تعرف الشي ممكن تحسبه غلط بسبب ربكة الاختبار
المهم يطلع الجواب النهائي -39
اتمنى اكون افدتك
وبالتوفيق