اممممم اول شي حبايبي الله يوفقكم كلكم
ثاني شي
انا تخصص نظم وحاسب ماخلصت الا مستوى واحد انقبلت الترم الثاني السنة الماضية
وكنت لحاآآآآآآآآلي
ودخلت ماآآدري شالطبخه اوكي يعني ع البركة
طبعا اول اسبوع رحت استلمت الجدول وسويت بطاقة الجامعه هم يعلمونك كل حاجة بس صوروا صور لكم خخخخخخخخ
انا جبت صورة جواز تفششششششششششل ماكنت ادري
وبعدين سالت عن القاعات وكيف نظام الارقام والحروف اللي حاطينها من الامن وبنات ساعدوني
ومشى اول يوم
واستمريت كم يوم ماادري شالطبخه
وبعدين كولكم حاسب محاسبة تسويق بتدرسون مع بعض
ثلاث مستويات مع بعض
نفسسسسس المواد
يعني البنات اللي عرفتهم وحده محاسبة
ووحدة نظم مثلي
ووحدة تسويق يعني كوكتيل خخخخ
وبصراحه يعني بتشوفين ناس أشكال وألوان
يعني مو أي أحد تعطينه وجه انا درس تعلمته ولازم تفهونه انتم بعد
لانه كثير اللي يدورون مصلحتهم
كنت في المحاسبة الحمدالله تووووووب وكان في وحده طلبت مني اشرح لها وماقصرت
حاولت افهمها
المشكلة غلطة عمري عطيتها رقمي تخيلوا يوم الاختبار طول اليوم تدق اشرح لها وانا ماذاكرت
وتقول لاتنامين لين اكلمك واقولك خلصت
ووقت البريكات
يعني بس كل هذا مو مشكلة
القهر انه اختها تخصص محاسبة بكالوريوس يعني اووووووم القهر
ماتبي تشغل اختها عن دراستها وانا اكل هوا
اخر شي سحبت بصراحه
يعني انتبهوا بنات لاتنعاد معكم في بنات قمة في النفاق
يعني وين ماتلقى مصلحتها
تشوفونها تضحك وتبتسم وذوق واخلاق
وبس هذي بعض الشغلات بغيت اقولها لكم
طبعا الدكتورات ماقصروا معنا والله مو صعب بالعكس بس شدوا حيلكم وكل شي بيمشي
وفي استا>ة طبع اول مادخلت سمعت عنهاكلام كلام
انها ترسب وان مادتها تعجيز وتلقين نص البنات مأجلينها
لكن ترى لاتاخذون بكلام البنات
لانه كل وحده تشوف من وجهة نظرها
وبصراحة والله انا ماشفت منها شي واخذت عندها بالمادة جيد جدا مرتفع وكانت من اقل المواد عندي
يعني مو تاخذون بكلام اي احد
ترى كل وحده تتفلسف من راسها وتخوف البنات خصوصا احنا المستجدات
يعني لاخبرة ولا شي ولاندري عن حاجة ويجلسون يخوفونا ويسببون لنا قلق
بينما بالواقع الموضوع مو مستاهل كل هالبلبلة اللي يسوونها
ولاادري ايش مصلحتهم
فحطوا ببالكم يعني حتى بالرياضيات سمعت نفس الكلام عن الدتورة اللي درستني وبالعكس تجنن الدكتورة واخذت عندها a+
يعني وغالب اللي بالشعبه معاي والله مااشتكوا منها
وبس ادري طولت عليكم
بس حبيت ابين لكم شغلات انتبهوا منها
ولاتاخذون بكل كلمة تنقالكم
وادعيلكم من كل قلبي ربي يوفقكم ويعينكم ويريحكم
وينولكم اللي ببالكم
وتنبسطون بالجامعه ووو... مادري بس خخخخ
خلص الكلام
تحياتي : ميمي