|
رد: بعد الاختبار دكتور بدران بن لحسن قضايا ثقافيه معاصره
ياحبايبي انتووو
الامتحان خلاص راح
وسواء حلينا ولا ماحلينا بسبب الاسئله او بسببنا او بسبب الضغط او لاي سبب خلاص ماحينفع الكلام فيه
انتوا كدا بتششتوا نفسكم بتأثير هادي المادة عليكم وبكدا حتتأثر حتى كمان المواد اللي جيا
فليش؟
عشان مادة نخسر بقيه المواد
ولا نحاول قدر الامكان نكتفي بأقل الخسائر الممكنه؟؟
قولوا اللهم اجرني في مصيبتي واخلفني خيرا منها
وانا اولكم لاني خرجت وانا مدري ايش سويت
انا مانكر انه الواحد الا مانفسيته تتأثر بس لازم نطل قدام
للأهم
للي بقي
للي نقدر نقدم فيه
مو اللي راح
خلونا نرفع معنوياتنا للسما... لانه احنا قدمنا اللي علينا خلاص
خلونا نؤمن بان ربي مايضيع تعب احد ونحط نقطة ونمشي بهمه ممتازة
ياللا ياللا سيبوا هدا الموضوع وانسوه وامسكوا السمعيه وتعالوا هناك في الموضوع قولولنا ايش سويتوا وفين وصلتوا
وربي يفرح قلب كل واحد شال هم هادي المادة يوم النتايج
|