بسم الله الرحمن الرحيم
وصلى الله وبارك على سيد خلقه نبيناً محمداً عليه افضل الصلاة واتم التسليم وعلى اله وصحبه الكرام
بالامس كنت سهران وجاء وقت صلاة الفجر وصليت الفجر ورجعت مابي نوم قلت اجلس اذاكر اشوي ذاكرت وذاكرت وبعدها صارت الساعة 7 وصارت الساعة 8 الصبح وبعدها قلت انام
نمت وطبعا كان اليوم الجمعة وصلاة جمعة المهم غطيت بالنوم وصارت الساعة 10 ونص ودق المنبه و منبه جوالي ولا حس ولا خبر لي صارت الساعة 11 ووقت صلاة الجمعة بدأ في دخول وقته الاصلي وانا في سابع نومه اسمع محاولات الاهل في الايقاض ولكن كنت ادير ظهري مش بأرادتي بصراحة 
ولكن احس اني كنت واعي ومقدر ما اسمعه وهم يقولون صلاة الجمعة دخل وقتها قم قم ....( ممنوع من العرض ) ....
المهم خيشة النوم ماقام من سباته وصلتني صاحبة اجر صلاة الجمعة وافترشت صدري وصارت تقول قوم قوم يبا قوم بسرعة الصلاة بتخلص وصارت تسمع دقات قلبي وانا اسمع دقات قلب ارنبتي سبحان الله حسيت بالوضع بعد كسل طويل
قمت مثل النسر الخائب من نومه اركض واجهز نفسي للصلاة من غسل ووضوء وطيب وملابس والارنبه تقول لي اليوم وعدتني تجيب ايبودات صديقات وانا اقول ابشري من عيوني بس ارجع اجيبهم لك
المهم طول وقتي وانا اتجهز للصلاة وهي تردد على هالكلام وانت وعدتني تجيب لهم
خرجت للصلاة والحمدلله وصلت قبل الخطبه وخذيت وقتي في عبادة ربي وقرأت القران وجائت الخطبه وخذينا منها الفائده والعبر وخرجنا ونور الله يحيط بالمصلين
وصلت البيت وسمينا وتغدينا وحمدنا الله واثنينا عليه بالشكر على هذه النعم
رحت اذاكر واتابعكم هنا اشوي وهناك اشوي نغرف من ينابيع العلم بين جنبات الاوراق ومنكم جزاكم الله الف خير
جاء العصر وكا كل جمعة خذيت البنت وامها لدار الجمعية الخيرية للايتام وطبعا هذا واجب على الجميع يمكن البعض يقول مش واجب لا واجب علينا كرجال وعلى النساء مراعاة الايتام من كلا الجنسين انا اذكركم بواجبكم تجاه ابنائنا وبناتنا واخوتنا واخواتنا من الايتام
وطبعا الاهل عندهم هناك دروس مجانيه عن الامور المنزلية وخلافها من امور الخاصة بالبنات
واحنا في الطريق صارت ارنبتي تدور بالسياره وتقول وين ايبودات صديقاتي ...!!!
قلت والله انا اسف الجمعة الجايه ابشري هي سمعت هالجملة وخذها صياح ونياحه اتصور كل اللي بالشارع سمعوها وفجئه بادرت في الهجوم علي وخذها يا كذابين ( ممنوع من العرض ) ....
المهم وصلنا الجمعية وحالتنا حاله اثار الجروح تغطي جسدي 
وانا اقول لها هذي البنت العاقله اللي تحب ابوها تسوي فيه كذا عتاب مني وعتاب منها
المهم زعلانا احنا الاثنين وهي دخلت الجمعية وانا كملت طريقي
بعد العشا رحت اجيبهم ولما ركبت السياره عمنا جميعاً السكوت والصمت 
محد يكلم الثاني طبعا زعلانين
رجعنا البيت وتعشينا وجلست اذاكر وقبل ما تنام رجعت لي وقالت اذا انت زعلان تذكر منو مصحيك اليوم على صلاة الجمعة تراها انا من مصحيك
طبعا انا زعلان عليها لان البنت العاقله اللي تحب ابوها ماتسوي زي كذا بالسياره وتصارخ وتهجم عليه
قلت لها طيب انا مو زعلان عليك قالت حتى انا مو زعلانه عليك 
والحمدلله رجعت الينابيع لمسارها وتصاحبنا وصرنا احلى اب واحلى بنت في احلى بيت ...
طبعا ادري خذيت من وقتكم كثير بس والله انا مجبور اكتب لكم هذا الموضوع لانه بكرا في ناس خاصه راح تتابع وتبحث وحاب اراضيهم
بس الاساس والزبده في موضوعي مش اللي صار لي مع بنتي
ولكن اللي صار لي في وقت الصلاة وكيف سيطر على الكسل فحبيت اذكركم في هذا الدعاء عسى الله يوفقنا فيه ويزرقنا خيره وهو بالتاكيد كل الخير
دعاء العجز والكسل ...
عن أَنَسُ بْنُ مَالِكٍ قَالَ: كَانَ رَسُولُ اللَّهِ -صلى الله عليه وسلم- يَقُولُ
« اللَّهُمَّ إِنِّى أَعُوذُ بِكَ مِنَ الْعَجْزِ وَالْكَسَلِ وَالْجُبْنِ وَالْهَرَمِ وَالْبُخْلِ وَأَعُوذُ
بِكَ مِنْ عَذَابِ الْقَبْرِ وَمِنْ فِتْنَةِ الْمَحْيَا وَالْمَمَاتِ »
رواه مسلم في كتاب الذكر
طبعا العجز والكسل قد يصيبك في عباداتك وواجباتك وامور حياتك بل حتى في اختباراتك اللي نقدمها اليوم قد يصيب البعض كسل او نوع من اليأس بسبب العجز عن الحفظ او غيره
من توكل على الله فهو حسبه سبحانه وتعالى
واكرر اعتذري ولكم الشكر والتقدير
ملاحظة : هذا رابط لموقع لكفالة الايتام للاخوه والاخوات اللي يصعب عليهم الذهاب او البحث
وجزاكم الله الف خير
http://www.ensan.org.sa/home/