|
رد: من فيكم اخذ مادة قواعد البيانات ( دعوه للمذاكره )
انواع الملفات : <<<<تخيلوا معي لو عندكم شوفينيرا ( هذاك الدرج اللي كله دروج  ) وعندكم 3 شرابات و 3 فنايل و 3 سراويل ( و اعتبروا كل واحد منهم ملف ) وانتم بتصفون هالاغراض بالشوفينيرا
1- ملف تتابعي : يتم تخزين السجلات بشكل تتابعي بنفس ترتيب وصولها للملف وعند استرجاعها بتم قراءة السجلات من البدايه الى النهايه <<< هذي الشوفينيرا واشتريت اول فنيله حطيتها بالدرج الاول اشتريت الشراب الاول حطيته فوق الفنيله الاولى جبت السروال الاول حطيته فوق الشراب وجبت ثاني فنيله حطيتها فوق السروال جيت بتحط الشراب الثاني الدرج امتلى تروح للدرج اللي تحته وتحط الشراب الثاني بعدين السروال الثاني بعدين الفنيله الثالثه .... طيب فرضا نقول بغيت تلبس الشراب الثاني وش تسوي : تفتح الدرج الاول تشوف الفنيله الاولى بعدين الشراب الاول بعدين السروال الاول تمر على كل شي الين توصل الشراب اللي انت تبيه <<< فهمتوا
2- ملف عشوائي : يتم تخزين السجلات بطريقه عشوائيه مع معرفة موقع كل سجل وعند استرجاعها تتم قراءة العناوين <<<< هذي الشوفينيرا وجيت بتصف ملابسك حطيت الفنيله 1 بالدرج الثاني والشراب 2 بالدرج الاول والسروال 1 بالدرج الثاني مع الفنيله 1 والفنيله 2 بالدرج الثالث << حوسه صح بس لازم تصير عارف كل شي انت وين حاطه لانك اذا جيت تاخذه بتروح لعوانه يعني تبي الفنيله 1 لازم تكون عاررف انها بالدرج الثاني وكذا <<<<< فهمتوا
3- ملف مفهرس : مثل فهرس الكتب <<<< يعني مثلا تصف الفنايل مع بعض بدرج والشرابات مع بعض بدرج والسراويل مع بعض بدرج وتصير بسهوله وتعرف وين اماكن اغراضك والا مثلا تصف كل لبسه كامله ( فنيله و سروال و شراب ) بدرج
شرح ولا اروع
|