ما هو نظام إدارة قواعد البيانات (مثل الأكسس)
احنا عرفنا أن قاعدة البيانات هي عبارة عن جدول أو مجموعة جداول وفيها بيانات
طيب كيف ندخل بيانات في هذي القاعدة وكيف نعدل على البيانات وكيف نعمل معالجة ونستخرج معلومات, هذي الأشياء هي وظيفة نظام إدارة قاعدة البيانات
ووظيفة النظام أيضا تصميم قاعدة البيانات, اللي هو تحديد شكل البيانات (رقم, نص, تاريخ, صورة .. إلخ) والتراكيب والقيود على كافة البيانات (مثلا ألا يتجاوز طول الاسم 50 حرف)
لما نخزن بيانات في قاعدة البيانات باستخدام نظام إدارة قاعدة البيانات, هذي العملية نسميها بناء قاعدة البيانات
لما نصمم قاعدة بيانات مهم أننا نعرف نوع الأشخاص اللي راح يتعامل مع قاعدة البيانات والبرامج اللي راح تتعامل معها علشان نصممها بما يتلائم مع متطلبات هؤلاء الأشخاص والبرامج