طيب وش الفرق بين نظام الملفات التقليدي وبين قواعد البيانات
الوصف الذاتي للبيانات:
يعني في الملف النصي العادي تكون البيانات مكتوبة ويقراها البرنامج كنص, وحسب التعليمات الموجودة في البرنامج يتم التعامل معاها على أنها رقم أو تاريخ أو حرف.. إلخ
لكن في قواعد البيانات: تكون البيانات مخزنة مع توصيفها في نفس قاعدة البيانات, ولما يجي أي برنامج يقرا البيانات يقرا معاها نوعها اللي مخزن في مكان في قاعدة البيانات اسمه فهرس البيانات.
الفصل بين البرامج والبيانات: مثل ما قلنا وصف البيانات يكون في قاعدة البيانات نفسها فاي برنامج ممكن يقرا ويتعرف على نوع البيانات, بعكس نظام الملفات اللي لازم البرنامج يكون فيه توصيف لنوع البيانات الموجودة في الملف
يعني لو كان عندا ملف نصي البيانات راح تكون فيه بهذي الطريقة:
أحمد الجاسم........1983....أبها....6800.32.....1
هنا لازم نعطي البرنامج تعليمات لما يقرا الملف بأن القيمة الأولى نص والثانية تاريخ والثالثة نص والرابعة عملة والخامسة منطقية (صح أوخطأ يرمز لها بـ 0 و 1 نفرض أن معناها هنا متزوج أو غير متزوج)
لكن في قاعدة البيانات نخزن هذي البيانات ونحدد في قاعدة البيانات نفسها نوع البيانات
المشاركة في البيانات والتعامل مع العديد من المستخدمين
بسبب استقلالية قاعدة البيانات على البرنامج, يمكن لأكثر من برنامج وأكثر من مستخدم أن يستخدم قاعدة البيانات في نفس الوقت بدون مشاكل
مثل ما احنا الآن جالسين نستخدم قاعدة البيانات تبع المنتدى كلنا في نفس الوقت تقريبا