|
تجربتي حتى هذه اللحظة خطيررررة جدا في الصحة
اتاني الهام معرفي وهمة بالصحة بعد ماشفت تضارب الآراء بالمحذوف والمهم والغير مهم .
قلت ياولد الى متى انت كسوول طس افتح المحاضرات المباشرة واسمع من راس الدكتور .
وأنا اشمّر عن ساعديّ وأفتح البلاك بورد (ومازالت الوسوسة تبع الشيطان الكسول موجودة )
وقال لي ياولد افتح الثالثة والأخيرة وريح بالك . فتحتها طلع ابو الشباب يشرح ولا عنده نية
يتكلم عن الاختبار . قلت لا لا ياولد ارجع من المحاضرة الأولى واسمع ، رجعت للأولى واسمع
والا نفس كلامه اللي بالثالثة وانا اشهق بـ ( ياخراشي) وبقي الأمل الوحيد .
المحاضرة الثانية 
واجلس انتظرها تحمل الصفحة البنفسجية . وفجأأأأأأأأأأة فتحت وانا اركز والا مكتوب
ايمان غادرت ، تهاني دخلت ، منيرة طالبة المايك  يالهووي . <<كنه مو مستانس .
رجع لي ابليس وقال ياولد دع الخجل ولا حياء بالعلم ومنهجكم موحد اسمع وركز .
وبدأت تتهلل اساريري للفهم وحسيت اني لابس فيونكه مثل هذي >
وتاخذ المايك وحدة وسألته عن الجداول والمقارنات والدول والاحصاءات (وقال مو مهمة )
<< ابدا ماجلست احاول اكتب (معهن) < اثار النحو والتحرير ، بس عجزت ونسيت انها مسجلة.
وانتهت المحاضرة كلمح البصر وأنا اراقب من دخلت ومن طلعت ولا استفدت الا الجداول مو معنا
نهاية الموضوع / الى متى يا جامعتنا على هالتخبط والعشوائية ؟(يمسك شنبه يتأكد بعد الموقف اللي صار )
وهل فيه احد مثلي تفتح له محاضرة البنات وهو شنب؟ والا الجامعة بتخلي عندي انفصام بالشخصية بالغصب ؟
اخيرا : طالبكم لا تواخذوني على الشطحات لكن والله من حر مافيني هم وجدولهم وتخبطهم .
|