جربت معك الطيب مافاد وياك
الطيب ماينفع مع اهل اللكاعه @
ان جيتني من هناك جيتك من هناك
عندي على كل الدروب استطاعه @
ولانيب قايل ويش غيرك وش جاك
ماجاك غير ابشر وسمع وطاعه @
غرك غلاك وكثر لبيه خلاك
تحسب قلوب الناس عندك بضاعه @
كبرت ماني بصاحبك الاولي ذاك
راح الشباب اللي تبي واندفاعه @
اول لمنك ازعلتني طحت لرضاك
لني محب وفالمحبه طماعه @
ولازت احبك لكن ابخص سواياك
ودتني الخبره حدود القناعه @
تذكرني اتذكرك تنساني انساك
للوصل وصل وللقطاعه قطاعه@
الشاعر عبدالله علوش