السلام عليكم ورحمة الله
صباح الخير على الجميع
اولا يا اخوان واللي اتمنى الكل ينتبه له قبل اي شيء آخر هو الدعاء على اخوك المسلم !
بأي حق تدعي عليه وتتحسب انت وياها؟ الرجل جالس يؤدي عمله ولا فيها شيء لو جاب جميع الأسئله على حسب الفهم
بعضكم يقول الدكتور مريض نفسي والآخر يقول الدكتور يبي ينتقم منا و البعض يقول الدكتور حاب يستعرض عضلاته !! هههههه
مهما كان مافيه شيء يعطيك الحق انك تدعي او تتعرض لذات الدكتور لأنه فقط ما جاب اسئلة على هواك
الشيء الآخر الدكتور قالكم لا تذاكرون الا من المحتوى والمحاضرات ونبه على ان الملخصات ماراح تفيدكم وفيه ناس تقول الأسئلة من خارج الملخص , شيء طبيعي يا حبيبي تكون من خارج الملخص لأن الأخ اللي لخص لك المقرر الله يجزاه خير . انسان وشيء طبيعي يخطئ
انا مثلكم بالضبط ماذاكرت الا قبل الإختبار بيوم
فيه اسئلة فحطت فيها وحاولت تكون اجابتي حسب فهمي للسؤال واقول يا عساها تجي سلامات واعدي
لكن هذا مايمنع نقول ان الأسئلة كانت من المحتوى واتحدى احد يقول غير هالكلام حتى الأسئلة الصعبة واللي فيها متاهات كانت من المحتوى لكن احنا مشكلتنا اننا قرأناه بدون مانفهمه .
اللي ابي اوصله واعتذر على الإطاله
الدكتور يا جماعة ماهو مجبور ينجحك بالساهل
واذا ماجاء الإختبار على هواك لا تقعد تدعي وتتحسب ,هو ما ضرك ولا اخذ من حلالك شيء , ولا لك حق تطالبه بدرجات انت مابحثت عنها
في النهاية
لا تحسبن المجدَ تمراً انت آكله لن تبلغ المجد حتى تلعقَ الصبرَ