|
رد: قبل التقنية ماهو تقييمك للمواد السابقه +ملاحظه مهمه جدا بالمنتدى + مناقشات حول الاختبار القادم + اللي وده يفضفض
العقيده الأسلاميه >>تعمد يصعبها ويسوي فيها تحدي وخالف كلامه الي في المحاضره المباشره ركزوا على النقاط الرئيسيه وجاب بين السطور مع تقليب الأجابات
يعني مدري وش عنده بهال الحركات كنا نتمى a+ لكن حسدنا هالمعدل
الي بعده الله يجزاهم خير ويوفقهم تمام
مادة الأنجليزي بعد مسوي تحدي مع الطلاب وعلى صعوبة الماده صعبها زياده وكنه يحسدنا انا نعدي بس تعديه والوقت ماكان كافي ابد ابد واعرف ناس كثير سحبوا اوراقهم ماكملوا
كان المفروض منه يا يسهلها او يحط وقت اطول اذا انه مدرك اننا طلاب لسى مستوى اول ماله مبرر انه يتحدى فينا بها الأسئله لوو مستوى سابع ثامن ماعلينا نتحداه بعد.
مبادي الأداره اتوقع لوو بيده كتب لغه مانعرفها ابداً عشان مانحل مادري وش بينقصه لو الطلاب يحلون زين
حتى كلنا لاحظ وقت المذاكره ان كل تعريف لمصطلح يوجد كلمه داله عليه تمكنك من فهم التعريف المناسب
اخونا في الله شال كل شي وغير في الكلمات حتى العباره والتعريف تكسر لغوياً ونحوياً
اعتقد لو عليه مراقبه كان ماسوى كذا لكن كل همه تعقيد الطالب وعدم حصوله على معدل مرضي مافكر في المعلومه الي تنفع الطالب ويفهمها.
اختبارات اليوم تمام التمام الله يوفقهم وين ماودوا وجيههم وييسر لهم كل امر ويصلح لهم النيه والذريه.
وان شاء الله التقنيه بعد زينه نتمنى التوفيق فيها.
ولكمـ خالص ودي واحترامي
Fawaz Alsubaei
|