بنات
اللي ماعندهم بكره اختبار ولا شي تكمل تقرا <~ رأفه بحالاتنا
رآسي هنّق اليوم وصدّع .. اول مره آحس بهالآحسآس البشع
انا بالبيبل سوفت ماعندي جدول حق هالتيرم طايره موادي اللي مسجلتها
ولاحصلت معدلي ولا عدد ساعاتي ولا شي !
المهم رحت للقسم المسؤوله أمل القحطآني .. كانت بدوره رحت للشؤون
وتعرفون من مكتب لمكتب وانا اتسحب بينهم
اتخيلو وش قالو ؟!
المطلوب منكم
مطابقة تقاديركم لكل ماده بالتقادير اللي بالسجل الاكاديمي من البانر اللي عطيناكم اياها
حنيت فوق روسهم ليما فتحوا سجلي قدامي ..
شفتوا الجدول الكبير اللي من تاريخ المقررات الخاصه بي , اللي فيه كل التقادير من دخلنا الجامعه !
هذا هو المقصود !
الشي اللي صدعني
مافيه شي اسمه ملخص ساعات مجتازه ومسجله
ولا معدل تراكمي وفصلي
رحت لين شوي واطب عند العميده
قلت شلون ؟ الى متى بيستمر العطل <~ يَ زيني بس
قالت مافيه عطل ! المعدل يظهر لنا الاداره انتو الطالبات لا
لا ارادي ضحكت <~ تالي انتبهت واعتذرت !
قلت ليش تحجبونه عننا !!
قالت اللي يبيه يجيب تصريح ونطبعه ؟! قلت ليش التصريح !
قالت مو معقوله بنطبعه لكل البنات !
طيب ليش بالاصل تحجبونه ! هذا حقنا حنا مانطلب منكم مميزات ودلع
حنا بس نبي نشوف نتيجة جهدنا
!!
يعني معقوله مابعرف تقديري الا بوثيقتي !
تستظرف ~> قالت هذا عنصر المفاجأه !
قلت وهل عنصر المفاجأه مطلوب ومحمود في وقت انتظار نتيجه نهائيه !
قالت هذا نظامنا ! تبين ارفعي خطاب للعميده !!
^
^
جبت لكم حواري معهم بالتفصيل
احدد عنده معارف بالجامعه يشتغلون يقدر يتأكد من هالشغله !؟
ولا نتهور ونكتب خطاب !!