*بما أنك مستجده راح يتأخر إصدار بطاقتك الجامعيه اللي هي شرط أساسي لركوب القطار عشان كذا تجيبين بدالها نسخه من بطاقة العائله ْ~

* لآزم تطلعين تصريح من المرور عشان تركبين الباص وهالشي راح يفهمكياه عن طريق الجوال سواق الباص ..

* مهــم جداً يكون عندك باليوم اكثر من محاضرة ماتسوى عليك 20 ريال ومشوار عشان محاضرة وحده >> تفكيرها مادي شوي

* الوقت ثم الوقت ثم الوقت ظروري يابنات لازم تتعودين على تنظيم الوقت اذكر وحده من البنات كان عندها إمتحان وسهرت طول الليل تذاكر ولما صحت اكتشفت انها تأخرت بسرعه لبست وراحت القطار لاكن للأسف القطار فاتها:011: ترى القطار ماينتظر احد مو زي الباص اللي متعودين عليه ْ~



* لازم تتأكدين ان بوكك فيه بطاقاتك الجامعيه وتذكرتكـ اهم شي لاتظيع ولازم ماتخلى محفظتك من الفلوس لحالات الطوارئْ~




وبالنهايه تذكري انك طالبه مميزه ومالك امثال بالسعوديه كثار

مافيه احد غيرنا بالسعوديه والخليج بكبره يروح الجامعه بقطار

هذا تميز ..

وتذكري بعد انك تكافحين بطريق العلم وان تعبك وشقاك تؤجرين فيه واحتسبي كل ماتعبتي

حطيها ببالك :

عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ سَلَكَ طَرِيقًا يَلْتَمِسُ فِيهِ عِلْمًا سَهَّلَ اللَّهُ لَهُ طَرِيقًا إِلَى الْجَنَّةِ


وصدقيني هالطريق الطويل اللي تمرين فيه بيخليك تشدين حيلك غصبً عنك لأنك تحملتي كثير عشان توصلين هالجامعه ..

وحده من صديقاتي عندها خالين واحد يركب القطار وواحد يروح بسيارته للحساء اللي يركب القطار ماشاء الله اللحين موظف ببنك وراتبه واصل السماء


لأن اللي بالقطار كان يقضي ساعتين مذاكره بالروحه وساعتين ينام بالرجعه ,,

نظم وقته واستفاد من الطريق ..


وحده من البنات محوله من كلية الأداب بالدمام تقول انها حبت القطار بشكل من ثاني سنه لأنه لما تتعودين عليه بتحبينه ..




اتمنى اني قدرت اجمع اهم النقاط بها الموضوع

وقدرت اخليكم تستفيدون منها

اعذروني كتبته على عجل ..


واللي افدتها بشي أمنتها تدعيلي ادخل التخصص اللي ابي ْ~