|
مطلوب رقم جامعي مميز ....!!!
اخواني واخواتي وعيال الحي حقنا....
مسائكم وردي وبوري قصدي جوري!!!!!
مطلوب رقم جامعي مميز لان رقمي يذكرني برقم خزنة جدتي اللي كانت في (المقلط) والمشكلة كل رقم في جهة وفيه رقمين مالقيتهم...... شكلهم تحت اسطوانة الغاز اللي وراء في اخر الحوش.
عموماً لااطيل عليكم لاني بدفع لو 1000 ريال او 2000 ريال معليش تذكرت (حافز!!!) اذا لقيت رقم مميز.
او اذا لقيت رقم بيجر مميز وبسلسله عادي بشتريه عشان اعلقه في الجيب اللي فوق واحط جنبه قلم باركر.. قدييييييييييم اللي ينضغط من فوق وآخر شي يدمر الثوب من كثرة الحبر اللي فيه.
زمان كنت اذا رحت المطار على طول اروح اشتري (كابتشينو) واشتري قلم باركر واشخص به واجلس اكتب فيه في الطياره على كرت صعود الطائرة لين يخلص.. (وش ذا الجو)
حبيت اوسع صدوركم وتضحكون شوي..
وفي الختام،،
اسأل الله العلي القدير ان لايضيع لنا تعب وبإذن الله كلنا ناجحين وبعدها نسافر للطائف وعلى طول نروح للردف والشفاء وناحذ دبابات قبل لاندور شقة نسكن فيها.
|