السلام عليكم مجددا
المحاضرة 13 متعلقة بالحوار كيف تتحاور وكيف تتفق وتختلف مع الشخص اللي تحاوره يعني ممكن نسميها فن الحوار
اول شي في البزنس في مقولة تقول اذا كان اثنين متفقين مع بعض فليس هناك حاجة لاحدهم او اذا كانو اثنين دائما متفقين فواحد هو اللذي يفكر
وهذا يعني ان الاختلاف والتنوع ظاهرة مفيدة وصحية
بعدين يطرح فكرة كونك تختلف مع شخص من غير ما تسبب ضجة او تصارخ وترفع صوتك او تشيل في نفسك عليه فهذا يعتبر فن وتحدي بحيث يكون الاختلاف ايجابي ومفيد ونافع
واحنا للاسف تعودنا او تعلمنا من الصغر ان الاختلاف مب زين
وما تعلمنا كيف نختلف
فيه عندنا ثلاث مستويات للنقاش
اول مستوى وهو اعلى مستوى وهو المطلوب وهو الحوار الاكاديمي : هنا انت تحاول تفهم المحاور ومن اي منطلق يتحدث وايش اللي يخليه يفكر بهذي الطريقة وانك تبذل جهد انك تستمع له وتحاول تفهم الي هو قاعد يقوله ويحاول يفهمك ويشرح لك اياه
المستوى الثاني الاقل : انك تبي تتكلم وتقول اللي عندك اكثر مما تصغي او تحاول تفهم الشخص المقابل ايش يقول او ليش يقول كذا بس تبي تقول اللي عندك وخلاص
المستوى الاول والادنى : انك بس تبي تثبت انك الصح والشخص المقابل هو غلط وتطالع الامور اما ابيض واما اسود ان لم تكن معي فانت ضدي الخ
صفات الحوار الجيد :
مثير للافكار وممتع
يساعدنا على فهم انفسنا والاخرين وفهم هذا العالم المعقد
الجمل التالية تساعدنا على صياغة جمل حوار جيد (جمل اتفاق - جمل نصف اتفاق - جمل اختلاف )