صح كلامك اختي ضايعة مع الدنيا
يعني انا صحيح في البيت دلوعة اهلي .. وعمري ماسويت شيء مفيد
بس هناك الوضع مختلف .. الشيء اللي مااعرفه انفذه ..
يعني مو معقولة اخلي احد يجيء ينظف لي ..
في بيت الوالد مااعرف اطبخ .. الان عين الله عليي طباخه زيي مافي .. والسنة خليت الوالده ترتاح في رمضان وانا اللي طبخت < تسوي دعاية لنفسها
اهم شيء التعاون ثم التعاون .. والحمدلله قروبي كانوا متعاونين
راح اقولكم على سياسة شقتنا في التنظيف
طبعاً غرف النوم كل وحده ترتب اغراضها وسريرها والارض كل يوم وحده
الحمام كل وحده تسبح تغسله على خفيف وممكن كل يوم على وحده
نجيء الى الصالة والمطبخ ..
طبعا بما ان احنا قروب ونطبخ قسمنا الاسبوع على مجموعات
كنا احنا 8 في الشقق < لان كانت عندنا غرفة ثنائي ويوم اللي كنا 9 نخلي وحده الى يوم الاربعاء اللي تظل تأخير او تجيء بدري
المهم .. نجيء الى الترتيب والتنظيف
نقسم كل 2 عليهم التنظيف
تنظف المطبخ من مواعين وارضية والصالة
نجيء الى ليلة السبت .. لو كان في طبخ نقسم الى قروبين ناس تطبخ وناس تغسل
ونفس الحكاية يوم الاربعاء اذا ماكان في احد ينظف
اهم شيء التعاون والاخلاق الحلوة
سواء مع بنات شقتك او بنات السكن ..
لاتصيري لحالك ومالك بـ احد .. بالعكس كلنا هناك الى بعض لو صار شيء الى احد كلنا للجميع
والغربة ماتحسي فيها اذا كان اللي معاك تمام واخلاق ..
انا بنات شقتي صاروا من عائلتي وللحين التواصل معاهم وساعات حتى لو ماعندي دوام عادي اجلس معاهم
فـ صرنا معروفين .. ان هذي الشقة مستحيل تشوفيهم لحالهم
سواء في الباص .. في السكن .. في الجامعة على الرغم من اختلاف تخصصاتنا
حتى اليوم اللي غيرنا السكن .. كلنا طبعنا جميع
والله يخلينا الى بعض ..
وان شاء الله بنات شقتكم حبوبات وترتاحوا معاهم