بعد صلاة الظهر .. صرنا أنا وخواتي مثل النحلات .. وأبوي الزهرة ..
المهم كل شوي وحدة تروح عنده وتحن فوق راسه .. لين صرخ علينا صرخه ..
أشك أنها قطعت عرق النسل عندي وعند خواتي ..
المهم راحت كل وحدة بحال سبيلها .. تشغل روحها بشي ثاني ..
وأنا رحت أكمل مذاكرة .. المهم وتجينا أمي .,. كأنها باتامانه .. وتقول يللا بسرعه كل وحدة تلبس عباتها ..
وأنا أطير للمطبخ أساعد أمي بالشيل والحط .. ويوم خلصنا ركبنا سيارة أبوي ..
تخيلووا ثلاثي مرح مع أمي والعنصر الذكوري الوحيد هو أبوي ..
وأخواني ظلوا بالبيت .. وناااااااااااااااااااااااااااااااااااااااااااااااا ااسسسسههه ..
المهم رحنا عند بر حرس الحدود البحري للخفجي .. هناك مابو أحد .. ونااااسه ..
أحسن من زحمة المخيمات وكل ما طلعت برى مخيمنا شوي .. قالو لا تطلعون حوالنا مخيمات وبه شباب..
يعني وشو بيخطفوننا مثلا .. أبن أمه وأبوه يقرب أصرخ صرخه تجمع العرب من أدناه للأقصى ..
وأتولاه تكرمون بالنعول .. وأرجع لأهلي سالمه من غير أي خدش ولا كسر ..
أول شي .. نزلنا كل واحد قام يتمشى .. وبعدين تجمعنا فرشنا الفرشه .. وثبتنا الرواق ..
ورحنا جمعنا حطب من البر لأبوي عشان يشغل النار ..
أبوي حط فوارة الماء على النار بعد ما شغلها .. وحطينا الغداء ..
غداء أبوي كان سبيشل .. كان تشريب مع رز أبيض.. حنا نسميها ديليميه..
يجنن طعمه .. طبعا أمي مسويته ..أما المقلوبة كان من نصيبنا حنا يالبنات ..
وكنت أنا مسويتها ..وهذه مقلوبتنا .. بس الديليميه ما صورتها لأن أبوي دبس بالخمس .. بالعافيه عليه ..
وبعدها ما تغدينا أبوي راح يسوي الشاي والقهوة اللي أبد ما نعاف ..
وحنا يالبنات رحنا نتمشى .. أنا قمت كتبت أسمي الحفلة ..
وعاد خواتي غارن ألا تكتبين لنا .. كتبت لهن وش أسوي .. ولا يبن ينظفن البر بي ..
المهم كتبت أسم الغاليه العزيزة ..
طبعا مدونتي ... يا علن فداه ..
وبعد ما خلينا البر دفتر ذكريات .. رحنا عند أمي وأبوي .. ولا شوي يدق جوال أبوي ..
ولا العوبا بنت أخوي .. داقه عليه تهاوش ليه ماخذيتوني معكم ..
وهي عند أخوي الصغير اللي بالثانوي .. قاله أبوي أركب السيارة وتعال لنا ..
عاد جو عندنا وأخوي ما عطى أهلها خبر .. يوم وصلو عندنا أبوي دق على أخوي الكبير ..
وقاله تراه رموسه وأخوي وصلو عندنا .. قاله متى وصلو أقصد متى راحواا ..
أنا كنت متوقعة هالحركة من أخوي .. عليه طلعات مدري شلون ..
وبنت أخوي .. اللي يشوفها وهي تركض بكل مكان ويللا نلحق عليها .. كأننا حابسينها بغرفة مترين في مترين ..
وربي كأنها كسرت خاطري المهم .. رحنا وجلسنا على الفرشة وقمنا نسولف ..
وشوي ألا أبوي يناديني .. يقولي تعالي تقهوي ..
وأروح أخذ جالكسي وأجلس جنبه ويصبلي قهوة وأتقهوى ..عارفه أني أغلى وحدة عنده يا بعد خشتي خشته ..
المهم وأختي نمبر 2 .. يطق عندنا عداد الغيرة .. أيه القهوة لناس وناس ,,
ناس ينطلبون بالأسم وناس لهم الله .. عاد أنا برفع ضغطها .. قلت لها ما تعرفين أنه الناس مقامات ..
وشوي ألا أبوي يناديها هي وأختي نمبر 3 .. وحلسنا كلنا نتقهوى ..
وهذه صور للقهوة .. وقسم أبوي طلع عيوني أبيه يسوي حبتين ما سوى .. دايم يخرب الحركة ..
المهم هذا الصور .. وهذه صورة لأبوي وهو يصب لي قهوة .. وربي هالقهوة تبيع عندها الغالي والنفيس ..
وهذه صور يعنن أني أحترافية بالتصوير .. وأنا من جنبها ..
وبعده رجعنا متكسرين تكسيييييير .. المهم ورموسه من جينا وهي بحظني .. نامت من التعب من كثر ما ركضت ..
المهم قعدنا ثاني يوم يوم الجمعه .. وكانت السماء شكلها بالغيوم خياااااااااااال ..
أول صورة من غرفة أخوي حمود ..
وباقي الصور رحت للسطح وصورتهن ..
وهذا الجزء الأول .. بس تصدقون حاولت أحط حقوق على الصور بس مدري وش فيه الفوتو ..
عيا علي يمكن زعلان عشان وديته للدمام ..الله يعين لازم أراضيه ..ويللا سلااااااااااااااااااااااام
[/ALIGN][/CELL][/TABLE1][/ALIGN]