موضوع كان بخاطري صراحة لأن فيه أشياء كثير صارت في هالترم لازم ننتبه لهـا ..
كل اللي تعبوا في حل الأسئلة وإجتهدوا لهم كل التقدير والإحترام بالعكس بادرة حلوة كل واحد يبي يقدم شي للأعضاء من باب حب للمساعدة والتعاون
بس ودي نتكلم بواقعية أكثر ونستفيد من اللي صار ونطرح حل للي حصـل ..
أولاً لكل عضو الحق في كتابة مايريد في المنتدى دام موضوعه في الدراسة أو أي شي يخصهـا
لكن يجب الحرص على اللي انت قاعد تقدمه ..أغلب اللي حلوا الأسئلة كانوا يحاولون يحلونها حتى قبل ماينهي دراسته للمادة نفسهـا وبنفس الوقت كتابة العنوان كان له دور كبير في الخطأ وكأن تكتب عنوان موضوعك (الإجابات النهائية -الحل النهائي ..إلخ )
ماننسى قبل مانتكلم وأعيد وأكرر كان الهدف ومازال هو حب التعاون والمبادرة بعمل شي حلو لأخوانه وأخواته في المنتدى بس من الواجب إنك تتحمل المناقشات والردود والتصحيح لأن ماحد معصوم عن الخطأ
وبنفس الوقت تعمل حساب قدراتك في حل الأسئلة قبل ماتطرحها للمئات ويعتمدون عليهـا ..
مسألة الإعتماد عليها بشكل كلي خطأ وهو مفروغ منه بس لازم نتذكر الناس مستويات وقدرات فيه اسئلة فيها لف وفيه اسئلة محتاجة مساعدة عشان تفهمهـا عشان كذا انا ممكن أدور على الإجابة الصحيحة دام قدراتي ماسمحلت لي أتأكد أو أعرف هل الإجابة صح أو خطأ ..
إحنا قلنا بنتكلم بواقعية أكثر والوضع اللي صار بهالترم نقدر نقول عنه شي طبيعي أول مرة تصير مثل كذا وماكان فيه آلية مرتبة ومنظمة لمثل هالأمور ..
طيب والحـل ..؟
من وجهة نظري حل الأسئلة يكون لمجموعة من الطلاب المشهود لهم بالقدرة على حلها أو من يشوف في نفسه القدرة على حلهـا ويكون بتوجيه من الإدارة مثل الأخت دفئ المشاعـر وتقدر تنظم الموضوع بطريقة سهلة وبسيطة ويكون الموضوع متفق عليه من مجموعة من الطلاب وهو المعتمد في حالة التأكد من الإجابات بالشكل الصحيح والسليم ..ممكن يكون صعب الحل بس من وجهة نظري أشوفه سهـل جداً ..طلاب يتجمعون في موضوع ويحلون الأسئلة وإنتهى الموضوع ..
طبعاً هالكلام في حال صار مثل اللي صار الترم هذا مع إني ماأتوقع يتكرر ..
آسف للإطالة وماحد يزعل مني كل إنسان يطرح شي لابد يهيء نفسه للإنتقاد وماحد معصوم من الخطأ بل الخطأ هو الإستمرار فيه
الله يوفق الجميع ويسهل الأمور يارب ..
شكراً..