هلا بالأخ فهد .
أولا الف مبروك قبولك والله يجعلها فاتحة خير عليك .
ثانيا وش المشكلة دامه اليوم وبكرى اجازة خذها منه يوم السبت لأنه نهاية تسليم الشهادات للبريد بتاريخ 11/2/1433 وأحنا تونا اليوم 2/2/1433 يعني لسه باقي قدامك تسع ايام تقريبا.
ثالثا في حال لاسمح الله عنّدت معك الامور وماعطوك الشهادة بإمكانك استخراج بديل من ادارة التربية والتعليم اللي انت تابع لها من قسم شؤون الطلاب شريطة أنك تكون متخرج بعد عام 1417 هـ والا بتضطر تطلع بدل الفاقد من الوزارة الله يعينك لانهم غير مخولين يطلعون شهادات قبل هالتاريخ بدل فاقد .
رابعا استخراجها من الادارة التعليمية سهل ولا ياخذ وقت وحسب مزاجية الموظف لكن بالغالب مافيها تعقيد.
خامسا ما انصحك تسدد الا بعد ماتكتمل اوراقك وتعرف ان امورك واضحة وتمام بهالحالة سدد وارسل اوراقك .
اتمنى اني وضحت لك اللي اعرفه وفالك التوفيق