ملتقى طلاب وطالبات جامعة الملك فيصل,جامعة الدمام - عرض مشاركة واحدة - كيف تختار موادك للـ ترم الثاني ,, هنا "شامل"

Hanin G · #1 2011- 12- 28

السلام عليكم و رحمة الله وبركاته ..

وش الأخبار عسى الكل بخير ومبسوط و فالها ..

خصوصا ان المدارس و الجامعات الثانيه مابدو يختبرون ..

وناااسه خلصنا قبلهم ..

تخيلوا ننام ونصحى نلقى بكرا اختبار العقيده ..

خخخخخخخخخخخخخخخخخخ والله اسحب عليهم ما اداوم ..

المهم ندخل بالموضوع ,,

كثير منكم مايعرف كيف يسجل مواد للترم الثاني ..

وموادنا زي بعض يعني حتى لو انتي علم اجتماع تاخذين نفس موادي انا الي تخصصي انجليزي ..

تخصصك تاريخ تاخذ نفس مواد الدراسات الأسلاميه ..

عُلم .. !

هي 11 ,, بس فيه مهارات و اتوقع اننا اخذناها الترم هذا فـ ماراح ناخذها الترم الجاي ,, 10 مواد اوكي يلا نشوفها :

1] التذوق الأدبي :
تشبه شوي النصوص و الأدب مختلطه شوي مع بلاغه و نحو ..
طلاب المستوى الثانيه يقوولن انها سهله ,, مدري بس ماعجبني اسمها ..

2] فقة السيره :
على اسمها ,, احسها سهله بديت افكر اخذها ..

3] مبادىء علم الأجتماع :
احسها تخوف منااااب ماخذتها ..

4] التلاوة و التجويد (1) :
احب اي شي ديني يفيدني دنيا وآخره و دايمن سبحان الله مواد الدين سهله ..

5] النحو التطبيقي :
ابعد عن الشر ياعمري و غنيلوووه ..

6] اللغة الأنجليزيه قراءة :

7] اللغة الأنجليزيه كتابه :

8] مبادىء الأحصاء :
ايووواااه هي نفسها الرياضيات ..

مدري ودي اخذها عشان افتك ,, بس اخاف احملها << من الحيين ..

9] القراءة والكتابه :
وشووو هوو ذا ..

احسها بنت خالة مهارات التعلم ..

10] برامج الحاسب المكتبية :
بركن تقرب لـ تقنية المعلومات ..

المهم يلا هذولي الـ عشر مواد اوكي ,, كلها ساعتين الا النحو (2) ساعه وحده ..

الحين كيف نسجل موادنا .. ؟!
اول شي لازم تنتبهون لـ شي ,, علشان ماتصير كارثه زي السبت والأحد اختبرنا 4 مواد في يومين ..

الحين احنا في المستوى الثاني نقدر نختار موادنا على كيفنا بس الجامعه من باب المساعده تنزل جدول الأختبارات بدري ..
عشان مثلا انا ابي اخذ مبادىء الأحصاء اروح اشوف بالجدول الي تنزله الجامعه متى اختبار الأحصاء بيصير ..

يمكن ابي اخذ مبادىء الأحصاء & فقة السيرة ,, بس اشوف بجدول الأختبارات القاهم بنفس اليوم ولا يوم ورا يوم وانا صراحه مابي ادرس بظغط ..

فهمتوا ,, فـ انت لمى تختار موادك ترجع لـ جدول الأختبار الي للحين مانزل وفيه ناس منزلين جدول الترم هذا ,, انتبهوا جدولنا للحين مانزل ..

وماندري اذا بيصير نفس هذا الترم او لا مع اني اشك ,, المهم نستنى ينزلونه لأن ايقونة جدول الأختبارات مو مفعله الحين ..

اوكي فهمتوا النقطه الرئيسيه ,, تتذكرون اول ماسجلنا وماكنا ندري وش السالفه ونخبص يمين ويسار ..

وفقعنا مرارة لبنى ..

وكنا نسأل وشو نظام بانر ,, وتقولنا انه مو لنا هذا لمستوى ثاني و طالع ..

صح عليها << احلفي ..

لمى نختار موادنا و نتأكد انها تناسبنا من حيث الأيام و الأوقات ,, نروح نسجلها في نظام بانر ..

ووووو بس ,, شفتوا كيف الدعوة سهله ..

اتمنى انكم استفدتوا من الموضوع ,, ولو انه لسى بدري احنا مستعجلين على رزقنا ..

بس اعطيكم فكرة رئيسيه وشامله عن الوضع ..

والله يوفقنا ياااارب ,, ادعولي اني ما اشيل مواد معاي ..

وشكرا ..