ملتقى طلاب وطالبات جامعة الملك فيصل,جامعة الدمام - عرض مشاركة واحدة - نبذة عن مساركمـ (( إهداء إلى طلاب وطالبات المستوى الرابع ))

آلقلب آلطفولي · 2011- 12- 28

..

يعطيك الصحه والعافيه جوري الملتقى على الموضوع

في ميزان اعمالك ان شاء الله

راح اتكلم عن المواد الي لخصتها واحط لكم الملخصات هنا ان شاء الله تستفيدون منها مستوى 4

الاعاقات المتعدده / د. خالد البلاح :

من ناحية سماع المحاضرات فهو يوضح الفكره الي يتكلم عنها لكنه مصري ههههه يعني كلامه سريع يبي لك تعيد الشريط اكثر من مره

بشكل عام الماده حلوه وجداً ممتعه ومعلوماتها ليست جديده اغلبها اخذناها قبل في مواد سابقه
يعني ماراح تتعب مع هالماده بالعكس
الماده تتكلم عن المفهوم الاساسي للاعاقات المتعدده خصائصه التدخل المبكر والوقاية منه بعدين تكلم عن متعدد الاعاقات الصحيه والجسميه وتصنيفها قياسها وتشخيصها وتأهيلها .. بعدها متعددي الاعاقات الحسيه ( الصم المكفوفين ) تكلم عن الاعاقه السمعيه بروحها والبصريه بروحه << سبق واخذناها
بعدها جمعهم في من هو الطفل الاصم الكفيف . بعدها التوحد ومتلازمة داون .. ومتلازمة اضراب ضعف الانتباه والنشاط الزائد وصعوبات التعلم والاستراتيجيات المقترحه للعلاج

هذي اغلب المواضيع الي تكلم عنها << توي مختبرتها فاتذكرها

الاختبار كان ممتع لأبعد الحدود وسهل ومافيه لف ودوران

الماده الثانيه ::

اعاقات النمو الشامل / د. أحمد العمري :

طريقته بالشرح حلوه لدرجه ان الاضافات الي اضفتها على الملخص من شرحه اكثر من المحتوى < مبالغه ههههه

الماده بشكل عاام حلوه وممتعه تتكلم عن الاعاقات الذهنيه اسبابها علاجها البرامج الوقائيه والارشاديه بعدها يجي اعاقات النمو الشامل ( التوحد وطيف التوحد ( الاسبرجر والريت واضرابات الطفولة التحللية واضرابات النمو غير المحدد ) تعريفها واسبابها خصائصها المميزه طرق الوقايه منها برامج الارشاديه ..

الاختبار كان حلو ومافيه تعقيد ولا لف ودوران ,, اذا ذاكرت زين بتحل زين

وبس

الملخصات تلقونها في المرفقاات

وبالتووفيق لكم