|
رد: زعلااااان أو زعلانة من الاقصـــــــاء قصدي الاحصـــــاء ولايهمك
صحيح هو مـاله ذنب في وقت الأختبار المحدد بساعتين ومستحييل تتزود أزود عن ساعتين بس يقدر يتحكم في الأسئلـة بحيث أنهـا تتناسب مع الوقت ويقلل من الأسئلة الحسابية اللي فيهـا حوسـة وأقعد تابع الجدول وألف على القوانين وجدول في النهاية طويل عريض ووو !؟ غيييييييير التظليل المرض اللي يـاخذ الوقت وملزومين نظلل باالراحـة وبحذر عشـان لايغثونـا باالتأخير والتدقيق المفروض التظليل موب محسوب من الوقت هذا الصدق أصلاً !؟ ينرفززززني بشكـل حتى ودي أقول لهم مـاعندي رقم تلفون ولا جوال بس عشـان أختصر  وموب كـل النـاس يقدرون يخلصون المسألة الحسابية بسهوله زي جدول العاملات مثلاً كثر المجاهيل فيه أزود عن المراجعة !؟ والله اللي مـايعرف لهـا بيحوس لمن يقول آمين !؟ خلونـا نكون واقعين الوقت مـايسعف للمراجعـه يادوبه للحـل وياالله!؟ وأنـا إذا مـاراجعت يجيني قلق موب طبيعي وأحس أني مخبصة عاد بتسمونه مرض نفسي شك قاتل بكيفكم بس كل واحد طبيعة شخصيته !؟ يعني مثلاً كـان بإمكـانه أنه يوازن في الأسئلة مثلاً يجيب الرسمـات اللي تبين التشتت اللي نعرفهـا من النظر ومنهـا نختصر وقت !؟ < كذا يعني
ولا الأختبار أمـانةً موب بذاك الصعوبة بس البلا في الوقت !؟
مـاسكه الحاسبه وأدقدق كأني عجوز مضيعه رقم بيت ولدهـا
وأنـا مـأتكلم وأني بس أهذر وأنـا موب مستعده للمـادة !؟ لا والله أنـا خاتمه المـادة وراجعت على أسئلة الدكتور النهائية والحمد لله رب العالمين على كـل حـال
|