|
رد: المواقف الطريفه يلي حصلت لي بالاختبار
ههههه .. انا موقفي آخر يوم بإختبار المحاسبة .. طبعاً انا جبت العيد وطريقتي انا اعبي بياناتي على النموذج
بعدين احطه على جنب واجلس احل بالورقه البيضاء لا خلصت عبيت الأجوبة بالنموذج المهم الي جنبي
من اليوم وهو يقز قز ويناظر ورقتي ما ودي اقوله ترى بجيب العيد فيك لا تناظر يبو قلت خله على راحته
يوم خلصت والمراقب ماسك ورقة التوقيع أشرت له اني خلصت المراقب وهو جاي الي جنبي التفت علي
وقال والله يا اني نقشت ورقتك نقش قلت والله يا انك نقشت العيد نقش المراقب مطوع وفقع ضحك والطلاب ضحكو والطالب اعتفس وجهه شكله قال وش ذا الوهقققققققه
|