[ALIGN=CENTER][TABLE1="width:100%;background-color:silver;"][CELL="filter:;"][ALIGN=center]













بسم الله الجزء الثاني من أسبوع أختبارات الحافل الممتع ..

أول يوم السبت اللي قبل اللي طاف ..

كانت مادة العقيدة الأسلامية ..

وكانت يعني مو ذاك الزود .. الدكتور خون فينا .. بس الله يسهل أمره ..

بس كان وجهي ما ينطس فيه .. أصفر وبطني تمغصني .. والوجهه منكمش من الخوف ..بس عدت على خير ..

أول يوم خليناه دراسة للموقع .. والطريق الأقرب للمول .. كان كله من تخطيطي ..

نيـــــــــــــــــــــــــــــــــــــــــــهاهاه اهاهاهاهاهاهاهاهاهاهاهاهاه>>> ضحكة شريرة ..

وبعدها بيوم كانت مادة المحاسبة 2 .. اللي هو يوم الأحد ..

كان الأختبار حلو .. ووجهي كان مقبول نوعاما .. أحسن من أختبار العقيدة ..

وبعدها يوم راحة .. بهذا اليوم قررت أكشخ بالأختبار التقنية ..

سويت شعري وضبط هندامي .. وصار كلش زين ..

ويوم رحت للأختبار .. ضحكت بنت عمتو وقالت أنتي ما عنك حل وسط يا تكشخين ..

يا تجين ووجهك والعياذ بالله .. المهم كنت بيرفكت ..

وأختبار التقنية .. يعني بين البينين .. حلو مو حلو ..

بعدها يومين راحة .. وكان أختبار الأقتصاد الكلي ..

وكان من أحلى الأختبارات اللي مرت .. مع أني كنت خايفة حيل أني أشيل هالمادة ..

بس سبحان الله كانت أسهل مادة ..

وبعدها ثلاث أيام راحة وبعدها .. مادة الخيبة والندامة الرياضيات ..

وحيل أستنذل معنا الدكتور .. سوداني ومسوي روحه يعنني بالأنجلش ..

ما يدري أنه معه ناس تمشي روحها بالأنجلش .. وهو كل شرحه بالأنجلش ..

بس الحمدلله لو أنجح بهالمادة على الحفه بس أعيدي منها ..

وبكل هذه الأيام ماعدا أول يوم .. كنا نغير الوجه أنا وبينت عمتي ..

وكنا نروح للمول نتعشى هناك ونغير جو .. ونستانس .. وهناك تجيني فصلة محترمة ..

أعقد أعلق تعليق ,, يخلي بنت عمتي تشرق الأكل .. لولا ستر ربي ..

ويوم أختبار الأقتصاد كان يوم خميس .. أو ما طلعنا من المركز دقينا على الأرنب الجائع وطلبنا منه ..

وكان زحمة مو طبيعية .. رحنا شرينا ذرة .. خلينا عامل النظافة يسوي لنا طاولة .. وعطيناه عشرة ريال ..

وحلفت يمين ما أكل من الذرة ألا وأنا بغرفة ومسكرة علي ستارة ..

وبنت عمتي ولا همها .. معطيه الناس ظهرها وتاكل ..

وأنا قلت لو أدخل سباق الألف ميل .. داخله داخل غرفة داخل .. وماني بنت أبوي ..

وهي ميته على من الضحك ..

المهم وكانو في بنات كويتيات .. يروحن ويجين على قسم العوائل ..

المهم حلفت حلف .. لو يدخلن قبلنا غرفة .. متهاوشة يعني متهاوشة .. ومقطعة شعورهن هالطالعه ..

أشوى يحمدن ربي راحن .. بس يا فرحة ما تمت .. جت حرمة وزوجها ..

المهم وقفوا بنص صالة قسم العوائل .. خلاها وراح يجيب لها كرسي ..

المهم يوم شفت جاب لها كرسي .. لفيت كرسيي .. على الناس يعني الطاولة على يساري ..

هي تحسبني أغازله أو أسوي حركة تجذبه وأنا والله ما طقيت خبر له .. المهم ذلف بقريح هو حرمته ..

وشوي طلع رجال هو وعياله من كبينه .. المهم بهالساعة بنت عمتي راحت تطلب موكا ..

وتشوف لنا مكان بالكوفي .. المهم وأخذ شطني وذرتي اللي ما طبت جوفي ..

وأروح أهرول .. وكانت في حرمة مع وغدانها .. كانت تبي الكبينه .. قلت لا أسمحيلي ..

أنا من اليوم أستنى لين فضت تجين تاخذينها باردة مبردة أسمحيلي ..

وأحط شطنتي بالكرسي الي جنبي .. وأجلس .. هي قالت محمد أنا حجزت الطاولة ..

قال ماما هازا من زمان يجي هينا .. وقلت له .,. يللا محمد سوي كلين ..

ونظفها .. ودقيت على بنت عمتي .. قلت طافك سباق الألف ميل .. وينك تعالي ..

قالت أخذ الموكا وأجي .. ويوم جت كنت أتخيل شكلي وأضحك .. وقلت لها السالفه ..

وماتت ضحك علي .. المهم .. جاء الطلب وبدينا ناكل .. بس ما خلونا البزران ناكل كل شوي فاتحين الستارة ..

وأروح ألف الكرسي وأعطي الستارة ظهر وأقول اللي يبي يفتح يفتح قسم طلعت روحي ..

وأروح وأسحب كرسي بنت عمتي جنبي .. والله أونس يوم .. كانت بوه أحداثن تسثيرة ..

المهم أخر يوم اللي هو الرياضيات كان .. عادي طلعنا تعشينا وردينا للبيت ..

بس والله ونااااااااااااااااااااااااسه .. جد وناااااااااااااااااااااااااسه ..

أونس أختبارات ليت كل مراكز أختباراتنا قريبه من المول ..

وبس سلامتكم ..









[/ALIGN][/CELL][/TABLE1][/ALIGN]