ملتقى طلاب وطالبات جامعة الملك فيصل,جامعة الدمام - عرض مشاركة واحدة - حبيت أسأل كيف أقدر اطور نفسي بالأنجليزي كافهم ومحادثه

أبو جَنىَ · 2011- 12- 29

,

أنا تعلّمت اللغه في سنه , بس كانت سنه مضغوطه بشكل رهيب
يعني في اليوم 6 حصص أنجليزي , وكان عندي هدف وطموح إنّي
أتعلّم اللغه , زي إلي قاعد أشوفه فيك الحين , ماكان همّي أنجح
وبس , كنت أنتبه للدرس لأني أبي أتعلّم أنجليزي مو أبي أتخلّص
من السنه هذي , وفعلاً وبعد نهاية السنه أختبرت وجبت معدلّي
(( 4,8 )) من خمسه وكنت متوّقع أكثر لإني فهمت القواعد كلّها

ما كنت أركزّ على الكلمات ابد طول فترة الدراسه , كنت أركّز على
القواعد ( إلي هي الربط بين الكلمات على قولتك ) وأثناء تركيزي
كنت أستوعب الكلمات بدون ما أسعى إني أحفظها وتنحفظ تلقائي

وبعد خلّصنا السنه الدراسيه كانت عندنا 24 كتاب وفي كل كتاب ما
يقارب الـ 200 كلمه , يعني صرت أحفظ 4800 كلمه تقريباً بدون تعب
بمجرّد إني أتابع الدكتور واركّب كلمات وأحفظ جُمل أكثر من أني أحفظ
كلمات , لإني بحفظك للجُمل تحفظين طريقة التركيب وتحفظين أكثر
من كلمه في وقت واحد ..

حاولي تتكلمْين مع كل أجنبيْه بلغه أنجليزيّه ( فلبينيّه - هندّيه ...ألخ )
لأن اللسان إذا أنطلق ما فيه شيء يردّه وتتعودين على اللغه

وشيء ثاني أبي أقوله لك , إذا سولفتي أنجليزي مع أجنبيّه وبغيتي
تقولين كلمه أنجليزيّه وما عرفتي معناها , ورجعتي وبحثتي عنها
عشان تعرفين وش المعنى , والله تموتين وما تنسين الكلمه هذي

اللغه مو بسيطه مرّه عشان تنفهم بـ يوم وليله , وإلي يقول اللغه
أسمعي بس وتفهمين , كان تلقيننا فاهمينها من يوم حنّا بزارين من كثر
مانتابع الأفلام والرسوم المتحركّه

, اللغه ممارسه أي جمله تحفظينها
أكتبيها وحاولي تنطقينها بـ سالفه لإي أحد عشان ترسخ وما تروح من بالك

المواقع الأنجليزيّه إلي تدرّس لغه , والله على إني أعرف لغه إلاّ أني مافهمتها
معقدّه شوّي ويبي لها تركيز كثير , أزين شيء لك تتابعين مع الدكتور كل
المحاضرات المباشره وأنتي معك ملزمة المادة نفسها , وتابعي معه أول بأول

عندك مادة وحده إلحين والترم الجاي مادتين أو أكثر وبعده ثلاث مواد وبعده 4
يعني لازم تأسسين نفسك حبّه حبّه , وتكونين مركّزه على الأنقلش أكثر
من المواد الثانيه , ولو أن كل المواد يبي لها تركيز , شدّي حيلك وأي مُساعده
أقدر أخدمك فيها أنا ولا أي أحد في المنتدى حاضرين , ولو تبَين شوفي كتاب :

الأنجليزيّه من غير مُعلّم / أعداد يعقوب خبّاز

فيه جُمل مثل كذا

When will the plane take off
وين ول ذا بلاين تك أوف
متى ستقلع الطائرة

إذا ماعرفتي نطق الجمله بشكل صحيح , أكتبيها كامله بالأنجليزي بمترجم قوقل
وأضغطي على خيار أستماع , تسمعينها كامله وأحفظيها , وأنصحك تعلّمي على
الكلمات والجُمل إلي أنتي تبين تستخدمينها لا تتعلمين أشياء مالك فيها شغل
إلحين لإن أي شيء بتحفظينه وما راح تستخدمينه راح تنسينه كلّه , يعني ركّزي
على الجُمل والكلمات الدارجه على لسانك وأنتي بحاجتها ..

وبسسسس أسهبت في الشرح

لإني كنت أحتاج أحد يوجّهني وما لقيت زمان , فلذلك أحس بشعورك إلحين
كل التوفيق لك يا ربّ وأي أستفسار أنا حاضر , في كل وقت بأذن الله ..

2011- 12- 29	#5
أبو جَنىَ أكـاديـمـي فـضـي الملف الشخصي: رقم العضوية : 84386 تاريخ التسجيل: Thu Sep 2011 المشاركات: 503 الـجنــس : ذكــر عدد الـنقـاط : 14419 مؤشر المستوى: 79 بيانات الطالب: الكلية: كلية الأداب بالأحساء الدراسة: انتساب التخصص: لغة أنجليزيّه المستوى: المستوى الرابع	رد: حبيت أسأل كيف أقدر اطور نفسي بالأنجليزي كافهم ومحادثه , أنا تعلّمت اللغه في سنه , بس كانت سنه مضغوطه بشكل رهيب يعني في اليوم 6 حصص أنجليزي , وكان عندي هدف وطموح إنّي أتعلّم اللغه , زي إلي قاعد أشوفه فيك الحين , ماكان همّي أنجح وبس , كنت أنتبه للدرس لأني أبي أتعلّم أنجليزي مو أبي أتخلّص من السنه هذي , وفعلاً وبعد نهاية السنه أختبرت وجبت معدلّي (( 4,8 )) من خمسه وكنت متوّقع أكثر لإني فهمت القواعد كلّها ما كنت أركزّ على الكلمات ابد طول فترة الدراسه , كنت أركّز على القواعد ( إلي هي الربط بين الكلمات على قولتك ) وأثناء تركيزي كنت أستوعب الكلمات بدون ما أسعى إني أحفظها وتنحفظ تلقائي وبعد خلّصنا السنه الدراسيه كانت عندنا 24 كتاب وفي كل كتاب ما يقارب الـ 200 كلمه , يعني صرت أحفظ 4800 كلمه تقريباً بدون تعب بمجرّد إني أتابع الدكتور واركّب كلمات وأحفظ جُمل أكثر من أني أحفظ كلمات , لإني بحفظك للجُمل تحفظين طريقة التركيب وتحفظين أكثر من كلمه في وقت واحد .. حاولي تتكلمْين مع كل أجنبيْه بلغه أنجليزيّه ( فلبينيّه - هندّيه ...ألخ ) لأن اللسان إذا أنطلق ما فيه شيء يردّه وتتعودين على اللغه وشيء ثاني أبي أقوله لك , إذا سولفتي أنجليزي مع أجنبيّه وبغيتي تقولين كلمه أنجليزيّه وما عرفتي معناها , ورجعتي وبحثتي عنها عشان تعرفين وش المعنى , والله تموتين وما تنسين الكلمه هذي اللغه مو بسيطه مرّه عشان تنفهم بـ يوم وليله , وإلي يقول اللغه أسمعي بس وتفهمين , كان تلقيننا فاهمينها من يوم حنّا بزارين من كثر مانتابع الأفلام والرسوم المتحركّه , اللغه ممارسه أي جمله تحفظينها أكتبيها وحاولي تنطقينها بـ سالفه لإي أحد عشان ترسخ وما تروح من بالك المواقع الأنجليزيّه إلي تدرّس لغه , والله على إني أعرف لغه إلاّ أني مافهمتها معقدّه شوّي ويبي لها تركيز كثير , أزين شيء لك تتابعين مع الدكتور كل المحاضرات المباشره وأنتي معك ملزمة المادة نفسها , وتابعي معه أول بأول عندك مادة وحده إلحين والترم الجاي مادتين أو أكثر وبعده ثلاث مواد وبعده 4 يعني لازم تأسسين نفسك حبّه حبّه , وتكونين مركّزه على الأنقلش أكثر من المواد الثانيه , ولو أن كل المواد يبي لها تركيز , شدّي حيلك وأي مُساعده أقدر أخدمك فيها أنا ولا أي أحد في المنتدى حاضرين , ولو تبَين شوفي كتاب : الأنجليزيّه من غير مُعلّم / أعداد يعقوب خبّاز فيه جُمل مثل كذا When will the plane take off وين ول ذا بلاين تك أوف متى ستقلع الطائرة إذا ماعرفتي نطق الجمله بشكل صحيح , أكتبيها كامله بالأنجليزي بمترجم قوقل وأضغطي على خيار أستماع , تسمعينها كامله وأحفظيها , وأنصحك تعلّمي على الكلمات والجُمل إلي أنتي تبين تستخدمينها لا تتعلمين أشياء مالك فيها شغل إلحين لإن أي شيء بتحفظينه وما راح تستخدمينه راح تنسينه كلّه , يعني ركّزي على الجُمل والكلمات الدارجه على لسانك وأنتي بحاجتها .. وبسسسس أسهبت في الشرح لإني كنت أحتاج أحد يوجّهني وما لقيت زمان , فلذلك أحس بشعورك إلحين كل التوفيق لك يا ربّ وأي أستفسار أنا حاضر , في كل وقت بأذن الله ..