لا تنصدم لا تباعدنا ومات الغلا
بالعكس هذا يدل ان الغلا كان ميت
ما هو بلا لو تفرقنا الليالي ولا
نشره عليها وما دام الله كتبها رضيت
ان كان ودك على فرقاي هذا البلا
صدمت عمر لو ابسمعها ابد ما قويت
ان قلت لك صدق كذب قص علي قول لا
لأنك لو تعيدها ببطي وانا ما وعيت
ليت المفارق حصل من غير كلمة هلا
او ليتني وقتها في حزته ما دريت
تدري وش اصعب جواب القى صداه اعتلى؟
لا جيت اسأل عيونك ليه عني لهيت
وتدري متى احس بالحرقه يا ضبي الفلا؟
لا صرت تخطي علي وانا سكت وعفيت
خلاص ماعاد باقي غير ذكر الغلا
حنا افترقنا وكل شي انتهى وانتهيت
لكن قبل نفترق طالبك سلم علا
ايام اللي قضيناها وانا ما نسيـــــــــــــــــت...