|
رد: خبرونـا عن أبرز مواقفكم أيـام الأختبارات !؟
الله يوفق الجميع ...
بصراحة الموقف الطريف اللي مر علي كان قبل الاختبارات بيومين بعد ماقريت موقع مركز الاختبار
المحدد في الخدمات الطلابيه .... واقرا الوصف مكتوب ثانوية الامام عبد الله بن سعود غرب الرياض حي السويدي بالقرب من مطعم زمزم
المهم اخذت الوصف وليلة الاختبار الاول قلت خلني اروح اشوف المركز واثبت مكانه عشان ما اتوهق يوم الاختبار .. عاد شوفو المشوااار طول ايام الاختبارات انا ساكن شرق الرياض والمركز في الغرب 
المهم وصلت حي السويدي اللي فيه المركز .. وقلت خلني اسال عن الثانويه يمكن احد يدلني واوقف عند ذاك الرجال ... السلام عليكم .... وعليكم السلام
اخوي الله يعطيك العافيه تعرف وين ثانوية زمزم ... .gif "(107)") ثاااانوية زمزم لا والله يالغالي .. شكرا يعطيك العافيه
وامشي واوقف عند واحد ثاني  وبعد السلام واساله يالغالي ماتعرف موقع ثانوية زمزم .gif "(269)")
الا الرجال يقول زمزم زمزم هذا مطعم ... طبعا يوم قال كذا كأنه راش علي مويه بااارده
المهم مدري وش قلت بس بس الثانويه حوله .. ,و أمشي ولا عاااااد سالت احد بعدها ..
والحمد لله بعد عناء حصلت المركز ... اللي كان قريب من ثانوية قصدي مطعم زمزم 
|