إي والله إن شوفته تستاهل عنادي
اللي عشانه تركت الدار والتربه
ماقولك شوفته نستني بلادي
لكنها يافهد نستني الغربه
وش عاد لوقلت عني ضايع وغادي
وش أبركه من ضياع دلني دربه
الهم اللي تشوف إنه علي بادي
ياليتك تشوف كيف يصير في قربه
الله يحرم عيوني لذة رقادي
إني معه ماعرف حزني ولا أشعر به
راضي بحالي كذا واللي يجي عادي
لعيون من هو ركز في قلبي الحربه
بصوته شقاوته مزحه طبعه الهادي
يملا علي الفضا من شرقه لغربه
سجل هنا كلمه تستاهل عنادي
بقولها قبل أسافر وأترك التربه
والله ماأقسى من الغربه عن بلادي
إلا شعوري وأنا في بلادي بالغربه