ملتقى طلاب وطالبات جامعة الملك فيصل,جامعة الدمام - عرض مشاركة واحدة

اليـــتـــيم · 2011- 12- 31

اقتباس:

المشاركة الأصلية كتبت بواسطة بندر العسيري

جيت بطلع اليوم قبل ماينتصف الوقت ووو تخيل

جاني المراقب يقول نو وييييييييييي .. وين يبو الشباب اما تطلع قبل نصف الوقت هذي كثر منها !! لابد تراجع اجاباتك ... قلت ياخي انا ترى مو طالب ثانوي ولا متوسط .. انا عارف مصلحتي زين ووراي اشغال الى الليل خلني اطلع .. قال والله مااقدر وهذي تعليمات جامعتكم ومدري اشلون .. يارجال والله متعبين بشكل هالمراقبين الله يصلحهم بس ويعينا عليهم

اخوي بندر العسيري الله يعطيك العافيه صحيح ان نحن عندنا اشغال والوقت اللي هم حاطينه اللي هو نصف الوقت يربطنا

لكن

تذكر ان هذا الوقت من مصلحة زملائنا اللي يتاخرون عن الاختبار بسبب نوم او زحمة او اي سبب اخر كلن وظروفه
مجرد خروجك قبل نصف الوقت راح تمنع زملائك من دخول الاختبار
انا في احد الاختبارات كان عندي شغل ضروري وخلصت الاختبار اقل من نصف الوقت وقال لي لا ما تطلع لان اذا طلعت راح يمنعون اللي متاخرين على الاختبار بالدخول وسبحان الله كلها 10 دقايق الا وواحد من الطلاب توه جاي

انا اشوف اننا نلتزم بنصف الوقت

هذه تعتبر وجهة نظري

اما بخصوص الملاحظات

انا معكم فيها بالذات الملاحظه الاولى والثالثه

واضيف ان لابد وضروري ان تصير للمواد الحسابيه والمواد القويه يكون الوقت 3 ساعات

وبرضوا لازم يكون بين الفترة والفترة ساعة اقل تقدير

لان مو معقوله نصف ساعه تكفي تسترجع معلومات المادة الثانيه وانت لك ساعتين تطحن في راسك ووفكرك معلومات المادة الاولى
يعني يبيلنا وقت بين الفترة الاولى والثانيه وهذا الشي اتوقع بيكون صعب على تكاليف الجامعه
لان الجامعه تعطي المراقبين على عدد الساعات اللي يحضرون فيها وماراح يخسرون انفسهم علشان طلباتنا بس لازم نوقف يد وحده ونطالب بان يكون الوقت بين الفترتين اكثر من كذا

على فكرة قسم بالله هالدواير اللي اسويها في ورقة الاجابة انها تاخذ وقت واحسها تطلعك من جو الاختبار المفروض هالدواير اللي نظللها مانسويها الا بعد انتهاء الوقت لان قبل الاختبار احسها تتعب التفكير بالذات وانت مقبل على 70 سؤال يبيلك رواقان وانت تقرا وتفكر بالحل

هذا اللي عندي الحين

والله يعطيك العافيه على طرح الموضوع

فديتكم

على فكرة المدرسة اللي اختبرت فيها في الظهران لعنبوا دارهم مشغلين المكيفات على البارد والجو من اساسه برد مو مكفيهم ان نحن تعبانين ومزكمين بيزيدون علينا وكل يوم طقاق على هالسالفه