أفكـر فيـك وأتأمـل وش الدنـيـا قـبـل ماألـقـاك
وأنـا مـن يـوم حبيتـك صــارت حيـاتـي غـيـر
هويت النـاس والدنيـا كثـر ماخاطـري يهـواك
وصار الحب له لذه تفـوق الوصـف والتعبيـر.
حيـاتـي دنيـتـي أهـلـي وكــل عالـمـي يـفــداك
أنـا كلـي غـلا جيتـك ومـن فـوق الغـلا تقديـر.
أحس الليل به نبضك وريحة عطـرك وذكـراك
وأحس أنفاسك الحلوه يداعبها الهوى وتطير.
ألا ياليتـنـي أفـتـح بقـلـب اللـيـل لـــك شـبــاك
وأجيك شايلن قلبي علـى خيـط الظـلام أسيـر.
قـديـر الله يجمعـنـا عـلـى أرض الـفـرح ويــاك
ويشرق صبحنا الدافي وجنحان الظلام تطيـر.
حبيبـي "يابعـد عمـري" حياتـي كلهـا تفـداك
كفايه لاتذكرتـك أحـس أن الحيـاة كلهـا بخيـر