|
رد: جدتي و بعد صلاة الفجر
اقتباس:
المشاركة الأصلية كتبت بواسطة الفهيدية
اخوي لكريم وطني ..سوالفك ماتنمل
بس ودي اسالك انت صاحب برنامج ( كل الناس )!!؟؟؟
عيني عليك بارده كل يوم منزل موضوع !!!!!!!!!!!!!!!
ماشللله تبارك الرحمن وقتك كذا مرتاح وفاضي مافي شغله ؟؟
ربي يسعدك دووووووووم
|
يامرحبا يامرحبا والحمدلله على السلامة وجزاك الله الف خير
انا ابي اسئل بعد الطيحه لما قدر الله وايدك صار لها شرخ فقدتي الذاكره او ايش بالضبط
رحتي وقلتي عدولي الله يهديك ماطمنتينا عليك ولا شئ
الحمدلله على سلامتك وطنينا عساك احسن
اما مسئلت فاضي ومرتاح الله يسمع منك ان شاء الله اصير فاضي ومرتاح
بس الحق يقال الوظيفة من صوب والسهر من صوب وانا بالاساس بيتوتي في الايام الحاليه يعني يا سوق يا موعد او شئ خاص بالبيت
اما باقي وقتي بيتوتي واصبحت بعد الاختبارات اسهر كثير وهذه فتره وان شاء الله تتعدل
على سالفة فاضي ومافي شغلة مدامك ذكرتيها
انا ولله الحمد عامل لنفسي جدول وتقريبا البيت كله بهذه الطريقة جدول يومي بحيث ما نضيع وقتنا يعني ادخل على المنتدي وفي ناس تقول والله انك مضيع وقت بالمنتدي قلت لهم صبركم على بس يضبط نومي بتلاقون ما اقدر ارد بحرف بس حاليا السهر مأثر بي
وثانيا اختي والاهم على الجميع ترتيب نفسهم من الداخل وضبط الساعة الداخليه
فرخ حمام الزاج سبحان الله يولد ويقال انه وهو بالبيضه بعد اكتمال نموه تكون ساعة وبوصلته جاهزه ومحدده موقعها مثل ماجلان فسبحان الله اذا كان هذا حقيقه
اما نحن البشر وكونا مسلمين يجب ان يكون لحياتنا وقت ومرتبه اما تعيش سبهلله بلا نظام ولا ترتيب الله يعينك على نفسك
يا اختي الكريمة القيلوله بالنسبة لي اذا زادت عن 45 دقيقه اعتبرها خمول المفروض 30 ساعة كافيه
اغلبنا يعيش هامش من الفراغ نسمع باللي يقول مخه منسم يمكن هذا من الفراغ اللي فيه كون هالتنسيم 
في مواقع بالنت تقدر من خلالها قرأت بعض الكتب دون ما تشتريها او تبحث عنها فكروا فيها اذا لكم بالقراءه
والله لا يصيبني مرض الفراغ والله لو اشتغل فراش ولا اعيش في فراغ
ولكن فكري في وقتك اعملي لنفسك جدول وشوفي وقت فراغك كم ووقت نومك كم ووقت عبادات كم ووقت عملك كم بتلاقين كم هائل من الوقت ضائع
اختصرها لك واعذريني بل حتى لقضاء الحاجة اكرمكم الله البعض يجلس ساعات تقول جالس يتأمل او يفكر في مستقبله
اتمنى ما يصيبنا مرض الفراغ وماكو شغله ان شاء الله
والله يرحمنا برحمته
|