|
رد: وضع خطة دراسية للفصل الدراسي الثاني 1433
اقتباس:
المشاركة الأصلية كتبت بواسطة بوسي كات
يعطيك العاافية اخوي 
فعلا ودي نناقش موضوع ..
لاحظت ان جدول اختبارات المستوى الثاني فية كذا يوم فيه مادتين بنفس اليوم ..
وهذا موضوع غير مقبول بتاتااا .. وفي اعضاء بعد مو عاجبهم الوضع ..
ياليت نراسل احد نقولهم يخلون لنا في كل يوم مادة .. واذا ولابد مادتين يكون اول يوم فقط ..
وش رايك اخوي بالموضوع .. ؟؟ |
الله يعافيك ويسلمك وانا تحت امركم نناقش اي موضوع لاني بالنهاية ابي استفيد منكم
طيب انا معاك بكل شي ذكرتيه بخصوص اختبار مادتين بيوم واحد من ناحية انو بيصير ظغط علينا ومن هالكلام بس الحمد لله انا افكر دائما بالحل الثاني يعني ما اتحطم واقول خلاص كل شي صعب وماراح انجح والحل الثاني بيدنا مو بيدهم(اقصد الجامعة) الحل اولا تنظم لك جدول معين يناسب وقتك الشخصي صحيح كلنا التزامات وانا واحد منكم دوامي شفتات غير كذا التزام مع الاهل بس اول مافكرت فيه ارتب جدول معين بحيث اني ما اسوي زحمة على نفسي بالاخير والحمد لله حسيت ان تنظيم الجدول جدا مناسب للمادتين اللي اختبارهم بيوم واحد واقصد ( المحاسبة والانجليزي ) وهذا بأذن الله بيكون جدولي للفصل الثاني:
1- اقتصاد كلي + العقيدة الاسلامية.
2- المحاسبة + اللغة الانجليزية. ( وضعتهم مع بعض لانهم بيكونون بيوم واحد )
3- الرياضيات2 + تقنية معلومات
طبعا بتقولون لي واثق انك بتنجح ترتب لك جدول من الحين ؟؟ بقولكم اصلا لا اقدر الله لو حملت اي من المواد الثابته راح اخذهم مره ثانية يعني بدل 2 بيكون 1 واقصد الاقتصاد الكلي والمحاسبة والرياضيات... عموما عشان محد يزعل مني وتقولون اني ضد فكرة اختبار مادة وحدة بيوم واحد راح اكون معكم بأي شي اقدر اساعدكم فيه يعني لو تحبون نتفق ونرسل ايميل او فاكس او اي طريقة ثانية بأسلوب راقي على اساس يراعون ظروفنا بالمادتين هذي برضو ماعندي اي مشكلة.
اسف طولتها عليكم لاكن هذا اللي في بالي وحبيت اقوله
|